Posted: 01/18/2013 01:16 PM IST

భారత అమెచ్యూర్ బాక్సింగ్ ఫెడరేషన్ (ఐఏబీఎఫ్)పై నిషేధం ఉన్నప్పటికీ అంతర్జాతీయ ఈవెంట్స్‌లో బాక్సర్లు పాల్గొనవచ్చనే వెసులుబాటును ఏఐబీఏ ఉపసంహరించుకుంది. భారత బాక్సర్లు, కోచ్‌లను కూడా సస్పెండ్ చేస్తున్నట్టు అంతర్జాతీయ బాక్సింగ్ సమాఖ్య ప్రకటించింది. ఎన్నికల్లో అక్రమాలు చోటు చేసుకున్నాయనే కారణంతో గతేడాది డిసెంబర్‌లో ఐఏబీఎఫ్‌పై వేటు పడిన విషయం తెలిసిందే. అయితే అథ్లెట్ల ప్రయోజనాలను దృష్టిలో ఉంచుకుని పలు అంతర్జాతీయ ఈవెంట్స్‌లో అధికారులు మినహా ఆటగాళ్లు, కోచ్‌లు పాల్గొనవచ్చని ఐబా తెలిపింది. కానీ తమ సమాఖ్య పరిస్థితిని మెరుగుపరుచుకునేందుకు ఎలాంటి చర్యలు చేపట్టడం లేదనే కారణంతో ఈ నిర్ణయం తీసుకుంది.