Posted: 01/03/2013 06:40 PM IST

భారత్ మళ్ళీ మొదటి వన్డే కథనే పునావ్రుతం చేసుకుంది. కోల్ కత్తాలో ఈడెన్ గార్డెన్ లో చావో రేవో తేల్చుకోవాల్సిన మ్యాచ్ లో మనవాళ్ళు మళ్లీ చేతులు ఎత్తేశారు. ఓటమి అంచుల వరకు వెళ్లారు. మొదట టాస్ గెలిచి పాక్ ని బ్యాటింగ్ కి ఆహ్వానించిన ధోని ప్లాన్ వర్కట్ కాలేదు. ఆరంభంలో పాక్ ఆటగాళ్లు దుమ్ముదులిపారు. ఒక దశలో భారీ స్కోరు దిశగా అడుగులు వేస్తున్న పాక్ జట్టును భారత బౌలర్లు కట్టడిచేసినా, సాధారణ విజయ లక్ష్యాన్ని మందుంచుకున్న టీం ఇండియా పరుగులు చేయడానికి తడబడుతుంది. 251 పరుగుల విజయలక్ష్యాన్ని పాకిస్థాన్ నిర్ధేశించింది. మొదటి వన్డే లాగానే రెండో వన్డేలో భారత టాప్ ఆర్డర్ కుప్పకూలింది.  103 పరుగులకే 6 వికెట్లు కోల్పోయి భారత జట్టు పీకల్లోతు కష్టాల్లో పడింది. గంభీర్ 11, సెహ్వాగ్ 31, కోహ్లీ 6, యువరాజ్ 9, రైనా 18, అశ్విన్ 3 పరుగులు చేసి అవుటయ్యారు. కెప్టెన్ ధోని 12, జడేజా3 పరుగులతో క్రీజ్ లో ఉన్నారు.  పాకిస్థాన్ బౌలర్ల ధాటికి మనవాళ్ళు నిలవలేక పోయారు.