Posted: 01/07/2013 11:37 AM IST

       కాగా, ఇంగ్లాండ్‌తో జరిగిన టెస్టు సిరీస్‌లో అద్భుతంగా రాణించిన పుజారాకు తొలిసారి వన్డే జట్టులో స్థానం లభించింది. గత పది వన్డే మ్యాచ్‌లలో సెవాగ్ 238 పరుగులు మాత్రమే చేయగలిగాడు. కెరీర్‌లో 219 వన్డే లు ఆడి, 15 సెంచరీలు సహా మొత్తం 8,273 పరుగులు సాధించినప్పటికీ, సెవాగ్ తాజా వైఫల్యాలు అతనికి జట్టులో స్థానం లేకుండా చేశాయి.
       మరోవైపు పుజారా తొమ్మిది టెస్టుల్లో, మూడు సెంచరీలు సహా 761 పరుగులు సాధించాడు. ఇండియా ‘ఎ’, సౌరాష్ట్ర జట్ల తరఫున పరిమిత ఓవర్ల ఫార్మెట్‌లోనూ అతను రాణించాడు. గత చాలెంజర్ ట్రోఫీలో అతను 158, 124, 78 చొప్పున పరుగులు సాధించి సత్తా నిరూపించుకున్నాడు.
         ఇలావుంటే, సెవాగ్‌తోపాటు విఫలమవుతూ వస్తున్న గౌతం గంభీర్, రోహిత్ శర్మపై సెలక్టర్లు ఇంకా నమ్మకంతో ఉండడం విచిత్రం. అంతేగాక, నిన్న ఇంగ్లాండ్‌తో జరిగిన వామప్ మ్యాచ్‌లో అద్భుతంగా ఆడిన మురళీ విజయ్ పేరును కూడా సెలక్టర్లు పరిశీలించకపోవడంపై విమర్శలు చెలరేగాయి. మొత్తం మీద సెవాగ్‌కు ఉద్వాసన పలకడం మినహా, సెలక్టర్లు తీసుకున్న విప్లవాత్మక మార్పులు ఏవీ లేకపోవడంతో సెలక్షన్ విధానంపై అంతా పెదవి విరుస్తున్నారు.
        ధోనీపై వేటు పడే అవకాశాలు కనిపించినా, పాకిస్తాన్‌తో జరిగిన టి-20, వనే్డ సిరీస్ లలో అతను రాణించడంతో ప్రమాదం నుంచి బైటపడినట్టు కనిపిస్తున్నది.

...avnk