Posted: 12/10/2012 11:46 AM IST

ఇంగ్లాండ్ తో జరుతున్న టెస్ట్ సిరీస్ లో వరుసగా రెండు టెస్టులో పరాజయం పాలైన టీం ఇండియా పరువును ఇప్పటికే గంగలో కలిపింది. ఉన్న కాస్త పరువును పూర్తిగా గంగలో కలపకముందే బీసీసీఐ తేరుకొని నాగ్ పూర్ టెస్టుకు జట్టులో కొన్ని చేర్పులు మార్పులు చేసింది. ఈనెల 13 నుండి ప్రారంభం కానున్న టెస్టులో కొత్త వారికి చోటుస్తూ, వరుసగా విఫలం అవుతున్న సీనియర్ బౌలర్స్  అయిన జహీర్ ఖాన్, భజ్జీలనే కాకుండా ఇటీవలే టెస్టు జట్టులోకి వచ్చి, విఫలం అవుతున్న యువరాజ్ సింగ్ పై వేటు వేస్తూ, వారి స్థానంలో పీయూష్ చావ్లా, పర్విందర్ అవానా, జడెజాలకు చోటు కల్పించారు. ఇక మాస్టర్ మూడవ టెస్టులో కాస్తంత రాణించడంతో నాలుగో టెస్టుకు కూడా  ఎంపిక చేశారు. ఈ మధ్యన వ్యూహాలు రచించడంలో విఫలం అవ్వడమే కాకుండా, పరాజయాల పాలైనప్పుడు వాటిని జట్టు సభ్యుల మీద నెట్టివేస్తూ ఉన్న ధోనికి ఈసారి చిరవరి అవకాశం ఇచ్చారు. నాగ్ పూర్ లో టెస్టులో ధోని సేన ఓడితే.... ఆయన నాయకత్వానికి కూడా ఉద్వాసన పలికే అవకాశం ఉందంటున్నారు.