Posted: 12/03/2012 03:47 PM IST

ప్రపంచ క్రికెట్ చరిత్రలో కెన్యా మహిళకు అరుదైన గౌరవం దక్కింది. ఇంత వరకు ఏ మహిళకు దక్కని గౌరవాన్ని దక్కించుకుంది. కెన్యా క్రికెట్ బోర్డు ఛైర్మెన్ ఉమెన్ గా నిన్న జరిగిన బోర్డు ఎన్నికల్లో బోర్డు సభ్యులు ఆమెను ఏకగ్రీవంగా ఎన్నుకున్నారు. బోర్డు సమావేశంలో అధినేత కోసం జరిగిన ఎన్నికల్లో జిహ్రా జాన్‌ మొహ్మద్‌ అనే మహిళను ఎన్నుకున్నారు. ప్రస్తుతం ఆమె నైరోబిలో న్యాయవేత్తగా పనిచేస్తున్నారు. ఈ ఎన్నికల అనంతరం మాట్లాడిన జిహ్రా బోర్డు సభ్యులు తన పై ఉంచిన నమ్మకాన్ని వమ్ము చేయనని, నా హయాంలో క్రీడల్లో ఏ ఒక్కరికి అన్యాయం జరగనీయనని, ప్రతి ఒక్కరికి లబ్ది చేకూరే విధంగా పని చేస్తానని, బోర్డు పాలక వర్గాన్ని నడిపే బాధ్యత అప్పగించిన వారందరికి ప్రత్యేకంగా ధన్యవాదాలు తెలిపారు.