Posted: 09/03/2012 07:03 PM IST

భారత్-న్యూజిలాండ్ మధ్య బెంగుళూరులో జరుగుతున్న రెండో టెస్టులో భారత్ 5 వికెట్ల తేడాతో విజయం సాధించింది. ఈ విజయంతో భారత్ 2-0 తేడాతో సిరీస్ ని కైవసం చేసుకుంది. న్యూజిలాండ్ జట్టు 261 పరుగుల లక్ష్యాన్ని భారత్ ముందుంచింది. న్యూజిలాండ్ ఇచ్చిన లక్ష్యాన్ని చేధించడానికి బరిలోకి దిగిన భారత ఆటగాళ్ళు ఆదిలోనే త్వర త్వరగా వికెట్లు కోల్పోయారు. గంభీర్, సెహ్వాగ్, సచిన్, తక్కువ స్కోర్లకే అవుటయినా, పూజారా మరోసారి బాధ్యాతాయుతమైన ఆటను ఆడి 48 పరుగులు చేసి జట్టును ఆదుకున్నాడు. పూజారా అవుట్ అయిన తరువాత క్రీజ్ లోకి వచ్చిన విరాట్ కోహ్లీ మరోసారి న్యూజిలాండ్ బౌర్లను చుక్కలు చూపెట్టడం, కోహ్లీకి జతగా ధోని కూడా కెప్టెన్స్ ఇన్నింగ్స్ ఆడటంతో మరో రోజు మిగిలి ఉండగానే భారత్ రెండో టెస్టును ముగించింది. గంభీర్ 34, సెహ్వగ్ 38, పుజారా 48, సచిన్ 27, రైనా పరుగులేమి చేయకుండానే పెవిలియన్ చేరగా.. కోహ్లీ 51, ధోని 48 పరుగులతో నాటౌట్ గా నిలిచారు.

న్యూజిలాండ్ జట్టులో పటేల్ 3 వికెట్లు, సౌథీ, బోల్ట్ చెరో వికెట్ పడగొట్టారు.అంతకుముందు 9 వికెట్ల నష్టానికి 232 పరుగుల ఓవర్ నైట్ స్కోరుతో రెండవ ఇన్నింగ్స్ ప్రారంభించిన న్యూజిలాండ్ 248 పరుగులకు ఆలౌటైంది. దాంతో భారత్ జట్టు ముందు 262 పరుగుల లక్ష్యం నిలిచింది. ఈ మ్యాచ్ లో విజయం సాధించడంతో అత్యధిక మ్యాచ్ లు గెలిచిన భారత కెప్టెన్ గా మహేంద్ర సింగ్ సరికొత్త రికార్డును సొంతం చేసుకున్నారు.భారత విజయంలో కీలక పాత్ర పోషించిన అశ్విన్ కు మ్యాన్ ఆఫ్ ది సిరిస్ అవార్డు దక్కింది. గతంలో అజారుద్దీన్ పేరిట ఈ రికార్డు నమోదై ఉంది. న్యూజిలాండ్: 365, 248, భారత్ 353, 262/5.