Posted: 09/04/2012 04:20 PM IST

భారత్ అండర్-19 ప్రపంచ కప్ గెలిచిన తర్వాత కెప్టెన్ ఉన్ముక్త్ చంద్ దేశంలో సరికొత్త హీరోగా ఎదిగాడు. ప్రపంచకప్ అనంతరం క్రికెట్‌లో కంటే తాను చదువుతున్న స్టీఫెన్స్ కాలేజి వివాదంతో ఎక్కువగా వార్తల్లో నిలిచిన సంగతి తెలిసిందే. అయితే తాను చదువును ఏమాత్రం నిర్లక్ష్యం చేయనని అంటున్నాడు ఈ యువ సంచలనం. రంజీ మ్యాచ్‌ల వల్లే రెండో సెమిస్టర్‌కు హాజరు కాలేకపోయానని, పరీక్షలకు మాత్రం డుమ్మాకొట్టనని చెప్పాడు. తర్వాత పరీక్షలు రాసినా రెండు సబ్జెక్టులు మిగిలిపోయాయని తెలిపాడు. తర్వాతే తనకు ప్రమోషన్ వచ్చిందని, ఫస్ట్ ఇయర్ మళ్లీ చదవడం కంటే మిగిలిన సబ్జెక్టులను రెండో సంవత్సరం లో రాసుకోవడం మంచిదని అన్నాడు ప్రపంచ కప్ హీరో.  తానెంత క్రికెటర్ ఎదిగినా పట్టభద్రుణ్ణి కావాలన్నదే తన ఆశయమని వెల్లడించాడు.