Posted: 08/24/2012 04:53 PM IST

హైదరాబాద్ ఉప్పల్ రాజీవ్ గాంధీ ఇంటర్ నేషనల్ క్రికెట్ స్టేడియంలో భారత్ - న్యూజిలాండ్ ల మధ్య జరుగుతున్న టెస్టు సిరీస్ లో టాస్ గెలిచి మొదట బ్యాంటింగ్ ఎంచుకున్న భారత జట్టు 134.3 ఓవర్లలో 10 వికెట్ల నష్టానికి 438 పరుగులు చేసింది. రెండో రోజు టీ విరామ సమయం వరకు ఆడిన భారత జట్టు భారీ స్కోర్ సాధించింది. ఓవర్ నైట్ బ్యాట్స్ మెన్ పుజారా 159 పరుగులు చేయగా ధోనీ 73 పరుగులు చేశాడు. స్పిన్నర్ అశ్విన్ 37 పరుగులు చేసి రాణించాడు. ఇక కివీస్ బౌలర్లలో జీతన్ పటేల్ 4, బౌల్ట్ 3 వికెట్లు తీశారు.టీ విరామం తరువాత బ్యాటింగ్ ప్రారంభించిన న్యూజిలాండ్ జట్టు కడపటి వార్తలు అందేసరికి 13 ఓవర్లలో 3 వికెట్లు కోల్పోయి 39 పరుగులు చేసింది. భారత బౌలర్ రవిచంద్రన్ అశ్విన్ రెండు వికెట్లు తీసి కివీస్ ని కోలుకోని దెబ్బతీశాడు.