Posted: 08/17/2012 09:41 PM IST

హైదరాబాదీ స్టైలిష్ స్టార్ త్వరలో జరగబోయే టెస్ట్ సిరీస్ తరువాత తన క్రికెట్ కెరీర్ కి గుడ్ బై చెప్పనున్నాడు. న్యూజిలాండ్ తో జరిగే టెస్టు సిరీసే లక్ష్మణ్ కి చివరి టెస్టు సిరీస్ కానుంది. రిటైర్ మెంట్ కు సంబంధించిన అధికారిక ప్రకటన రేపు ప్రకటించే అవకాశం ఉంది. టెస్ట్ మ్యాచ్ ల్లో టీం ఇండియా విజయాలలో కీలక పాత్ర పోషించిన లక్ష్మణ్ 1996లో టెస్ట్ క్రికెట్ లోకి అరంగ్రేటం చేశాడు. ఇప్పటి వరకు 134 టెస్టులు ఆడిన లక్ష్మణ్ 17 సెంచరీలు, 56 అర్థ సెంచరీలతో 8781 పరుగులు చేశాడు. టెస్ట్ ఆటగాడుగా ముద్ర వేసుకున్న వివిఎస్ లక్ష్మణ్ 2006 నుంచి ఒన్డేలకు దూరమయ్యాడు. 86 ఒన్డేల్లో 2338 పరుగులు చేశాడు. ఇందులో ఆరు సెంచరీలు, 16 అర్ధసెంచరీలు ఉన్నాయి. టీం ఇండియాలో లక్ష్మణ్ లేని లోటు స్పష్టంగా కనబడబోతుంది.