Posted: 03/29/2012 03:38 PM IST

వరల్డ్ కప్ తరువాత అంతంత మాత్రంగానే విజయాలు అందుకుంటున్న ధోని సేన దక్షిణాఫ్రికాలో భారతీయలు స్థిరపడి 150 ఏళ్ళు పూర్తి చేసుకున్న సందర్భంగా ఏర్పాటు చేసిన ఏకైక టీ20 కోసం దక్షిణాఫ్రికా చేరుకుంది. ఈ మ్యాచ్ రేపు అనగా (30వ) తారీఖున జరుగనుంది. ఒక్క మ్యాచ్ కోసం అంత దూరం వెళ్లితే అలసట రాదా అని ధోనిని అడిగితే నాకు అసలట సమస్యే కాదని సమాధానం ఇచ్చాడు. మరో వారం రోజుల్లో జరుగనున్న ఐపీఎల్ సీజన్ కి ముందు ధోని సేన ఒక్క మ్యాచ్ కోసం అదీ టీ 20 కోసం వెళ్ళడం ఆశ్చర్యమే.

దక్షిణాఫ్రికా నుంచి రాగానే టీమిండియా క్రికెటర్లు ఐపీఎల్‌లో పాల్గొంటారు. ఆస్ట్రేలియా పర్యటనలో విఫలమైన టీమిండియా.. ఇటీవల ఢాకాలో జరిగిన ఆసియా కప్ టోర్నీలో ఫైనల్‌కు చేరుకోలేకపోయిన సంగతి తెలిసిందే. అలసట సమస్యే కాదని భావిస్తున్నాను. దేశం తరఫున కాకుండా జట్టుగా ఆడే ఏకైక టోర్నీ ఐపీఎల్.. ఐపీఎల్ యువకులకు మంచి వేదిక. ఎందుకంటే అంతర్జాతీయ ఉత్తమ ఆటగాళ్లతో ఆడే అవకాశం ఈ టోర్నీలో మాత్రమే యువకులకు లభిస్తుంది. అంతేకాదు.. ఫిట్‌నెస్‌కు కూడా ఇది ఉపయోగపడుతుంది' అని ధోనీ చెప్పాడు. అయితే భారత అభిమానులు మాత్రం ఈ మధ్య కాలంలో ఏమంత కష్టపడి ఆడి కప్ లు సాధించారు గనుక వారికి అలసట వస్తుందని అనుకుంటున్నారు.