Posted: 02/29/2012 08:53 PM IST

బంగ్లాదేశ్‌లోని మీర్పూర్‌లో మార్చి 11 తేది నుంచి ఆరంభమయ్యే ఆసియా కప్ కోసం 15 మంది సభ్యులున్న భారత్ జట్టును జాతీయ సెలెక్టర్లు బుధవారం మధ్యాహ్నం ప్రకటించారు. వీరేంద్ర సెహ్వాగ్, ఉమేష్ యాదవ్, జహీర్ ఖాన్‌లకు విశ్రాంతి కల్పించారు. ఆస్ట్రేలియా పర్యటనలో దారుణంగా విఫలమైన రోహిత్, రవీంద్ర జడేజాలను జట్టులోకి తీసుకున్నారు. చెప్పుకోదగ్గ మార్పులు లేకుండానే జట్టును ఎంపిక చేశారు. సచిన్ జట్టులోకి తీసుకోవడం, విరాట్ కోహ్లీకి వైస్ కెప్టెన్ బాధ్యతల్ని అప్పగించడం విశేషం. బెంగాల్ బౌలర్ అశోక్ దిండా, యూసఫ్ పఠాన్‌లను జట్టులోకి తీసుకున్నారు. చిరకాల ప్రత్యర్థి పాకిస్థాన్, శ్రీలంకలతోపాటు భారత జట్టు ముక్కోణపు టోర్నిలో ఆడనుంది.

జట్టు: మహేంద్ర సింగ్ ధోని (కెప్టెన్), విరాట్ కోహ్లీ (వైస్ కెప్టెన్), సచిన్, గౌతమ్ గంభీర్,రోహిత్ శర్మ, సురేశ్ రైనా, రవీంద్ర జడేజా, మనోజ్ తివారీ, ఇర్ఫాన్ పఠాన్, యూసఫ్ పఠాన్, అశోక్ దిండా, అశ్విన్, రాహుల్ శర్మ, ప్రవీణ్ కుమార్, వినయ్ కుమార్.