Posted: 01/12/2012 04:08 PM IST

సిడ్నీ టెస్టు సందర్భంగా ప్రేక్షకులు బూతుపురాణం పఠించడంతో ఆగ్రహించిన విరాట్ కోహ్లీ మధ్య వేలు చూపించగా.. మ్యాచ్ అనంతరం సోమవారం గో-కార్ట్ సెషన్‌కు వెళ్లిన ఇషాంత్ అదే తరహాలో ప్రవర్తించాడు. ఈ రెండు సంఘటనలు పెద్ద ఎత్తునే వివాదాన్ని రేపాయి.

అయితే ప్రేక్షకులకు మధ్యవేలు చూపించి అసభ్యంగా ప్రవర్తించిన విరాట్ కోహ్లీ, ఇషాంత్ శర్మల ఉదంతాల్ని ధోనీ చాలా తేలిగ్గా తీసుకు న్నాడు. సరదా సంభాషణలతో వాతావరణాన్ని చల్లబరిచే ప్రయత్నం చేశాడు. 'ఇషాంత్, కోహ్లీ వేళ్లకు టేప్ అతికించా. ఇప్పుడు వాళ్లిద్దరూ వేళ్లను ఎత్తడానికి సాధ్యంకాదు. అయినా ఇషాంత్, కోహ్లీ మళ్లీ అలాగే ప్రవర్తించాలనుకుంటే ఏమి చేస్తారో చూడాలి' అని వాకాలో ప్రాక్టీస్ సెషన్ అనంతరం ధోనీ వ్యాఖ్యానించాడు. ఇలా అన్ని లైట్ గా తీసుకునే ధోని మ్యాచ్ లని సైతం లైట్ గా తీసుకుంటున్నాడని అంటున్నారు.