Posted: 11/30/2011 05:06 PM IST

దక్షిణాఫ్రికాలో 2009లో నిర్వహించిన రెండో విడత ఐపిఎల్‌ సందర్భంగా బిసిసిఐ విదేశీ మారకద్రవ్య నిబంధనలను ఉల్లంచిందని, దాదాపు రు.1.650 కోట్లమేర అవకతవకలకు పాల్పడిందని ఆరోపిస్తూ ఎన్‌ఫోర్స్‌మెంట్‌ డైరెక్టరేట్‌ నోటీసులు జారీ చేసింది. సాధారణ ఎన్నికల దృష్ట్యా ఐపిఎల్‌కు తగిన భద్రతా ఏర్పాట్లు చేయలేమని ప్రభుత్వం పేర్కొనడంతో బిసిసిఐ అప్పటికప్పుడు ఐపిఎల్‌ వేదికను దక్షిణాఫ్రికాకు మార్చింది. 37 రోజులు సాగిన ఈ టోర్నీకి సంబంధించి రిజర్వ్‌ బ్యాంక్‌ అనుమతి పొందకుండానే విదేశీ బ్యాంక్‌ అకౌంట్‌ను నిర్వహించడం ద్వారా 'ఫెమా' (1999) చట్టాన్ని ఉల్లంఘించిందని, రు.250 కోట్లకుపైగా దక్షిణాఫ్రికాలోని ఖాతాకు తరలిచిందని, అలాగే ఆ టోర్నీలో వచ్చిన ఆదాయ వివరాలను వెల్లడించడంలో కూడా విఫలమైందని ఎన్‌ఫోర్స్‌మెంట్‌ డైరెక్టరేట్‌ ఆరోపించింది. అప్పట్లో ఐపిఎల్‌ ఛీఫ్‌గా వున్న లలిత్‌ మోడీతోపాటు బిసిసిఐ మాజీ అధ్యక్షుడు శశాంక్‌ మనోహర్‌, ప్రస్తుత అధ్యక్షుడు శ్రీనివాసన్‌కు కూడా నోటీసులు జారీ చేసింది.