Posted: 11/30/2011 04:55 PM IST

          టీమిండియా మాజీ గురు ప్రస్తుత దక్షిణాఫ్రికా కోచ్‌ గ్యారీ కిర్‌స్టీన్‌ జీతం చిదంబర రహస్యంగా మారింది. దక్షిణాఫ్రికా క్రికెట్‌ చట్టపరమైన, పాలనాపరమైన కమిటీ దగ్గర దీనికి సంబంధించి ఎలాంటి ఆధారమూ లేక పోవడం ఆశ్చర్యకర విషయం. కిర్‌స్టీన్‌ జీతం గురించి తెలుసుకోవడాని ప్రయత్నిస్తే రహస్యం అని సమాధానం వచ్చిందని సిఎస్‌ఎ (క్రికెట్‌ సౌతాఫ్రికా) లీగల్‌, గవర్నెస్‌ కమిటీ ఛైర్మన్‌ అజరు శుక్లా తెలిపారు.

         బోర్డు అనుమతి లేకుండా దాదాపు రెండు సంవత్సరాలు సిఎస్‌ఏ ఎగ్జిక్యూటీవ్‌ చీఫ్‌ గెరాల్డ్‌ మజోల్లాకు ఇతర సిఎస్‌ఏ అధికారులకు బోనస్‌లు చెల్లించారు. క్రీడా శాఖా మంత్రి ఫికిలె మబుల్లా దీనిపై అంతర్గత ఆర్థిక వ్యవహారాల మంత్రిత్వ శాఖతో విచారణ జరిపించారు. ఈ విచారణలో అజరు శుక్లా పై విధంగా సాక్ష్యం చెప్పాడు. సిఎస్‌ఏ నైతిక నాయకత్వంను కోల్పోయిందని, ఐసిఎల్‌ బోనస్‌ సమస్యపై విచారణ కమిటీని సిఎస్‌ఏ అధ్యక్షుడు మతుజెలి న్యాకా రెండు సార్లు తొలగించాడని, సిఎస్‌ఏ స్పాన్సర్‌షిప్‌కు ప్రయోజం కలిగించేందుకు అలా చేశారని శుక్లా తెలిపాడు. ' మాకు అధ్యక్షుడి , హై కోర్టు న్యాయమూర్తి, చీఫ్‌ జస్టీస్‌ జీతాల గురించి తెలుసు కాని జాతీయ క్రికెట్‌ కోచ్‌ జీతం గురించి మాత్రం తెలీదు. సుపరి పాలన (మూల సూత్రాలు)లో భాగంగా దాన్ని రహస్యంగా ఉంచారు' అని శుక్లా తెలిపారు.