అమ్మహస్తం వెనుక పెద్ద కుంభకోణం?

Posted: 04/17/2013 08:12 PM IST

రాష్ట్ర ముఖ్యమంత్రి నల్లారి కిరణ్ కుమార్ రెడ్డి తన మార్కు ఏమిటో  చూపించాలనే ఉద్దేశంతో  రాష్ట్ర ప్రజలకు కొత్త కొత్త పథకాలను ప్రవేశపెడుతున్నారు.  రాజీవ్ యువ  కిరణాలు, ఇందిరమ్మ కలలు, ఇందిరమ్మ బాట, అమ్మహస్తం అనే  ఆకర్షణీయమైన పేర్లు పెడుతున్న రాష్ట్ర ప్రజలను ఆకట్టుకొని పనిలో బిజీగా ఉన్నారు. అటు అదిష్టానం దగ్గర  పథకల పేరుతో  మంచి పేరు తెచ్చుకున్నారు సీఎం కిరణ్. అయితే ఈ అమ్మహస్తం కార్యక్రమం వెనుక పెద్ద కుంభకోణం  ఉందని సీపీఎం రాఘవులు ఆరోపించారు.  మంత్రివర్గంలోని  కళంకిత  మంత్రులను వెంటనే తొలగించాలని ఆయన డిమాండ్ చేశారు . అవినీతిలో  కూరుకుపోయిన  కాంగ్రెస్ పార్టీ రాష్ట్రాన్ని  అస్తవ్యస్తం  చేసిందని  ఆయన ఆరోపించారు.  కేంద్రంలో  అధికారంలో ఉన్న కాంగ్రెస్  యూపీఏ ప్రభుత్వం తెలంగాణ పై గందరగోళ వైఖరితో  రాష్ట్రాన్ని  నాశనం చేసిందని  రాఘవులు అంటున్నారు. అమ్మహస్తం వలన అవినీతి మంత్రులకు ఉపయోగం జరగుతుందని ఆయన అన్నారు. అవినీతి మంత్రులను కాపాడుకోవటానికే సీఎం కిరణ్  అమ్మ హస్తం ప్రవేశపెట్టినట్లు రాఘువులు అంటున్నారు.  అవినీతి మంత్రులను తొలగించకుండా వారికి అన్ని సౌకర్యలు కలిపిస్తూ, వారికి రక్షణగా కాంగ్రెస్ ప్రభుత్వం ఉందని రాఘవులు అంటున్నారు.  కళంకిత  మంత్రుల విషయంలో  కేంద్రం ఇప్పటికైనా ఒక నిర్ణయం తీసుకోవాలని  డిమాండ్ చేశారు.