Posted: 01/26/2013 03:18 PM IST

       రాజకీయరంగాన తమ వాణి విశ్రుంకలంగా వినిపించటంలో నన్నపనేని రాజకుమారికి అందెవేసినచేయి. ఈ ధీశాలి ఇప్పుడు సినిమా రంగంలోని సమస్యలమీద చూపు చారించింది.  ‘చిన్న సినిమాలకు థియేటర్లు అందుబాటులో ఉండవని విన్నాను. ఇది అన్యాయం. ప్రభుత్వం, ఎఫ్‌డిసిని దీనిపై దృష్టి పెట్టాలి’ అని వేదికపై నన్నపనేని వ్యాఖ్యానించారు. ఈ సందర్భంలో మంత్రి టీజీ వెంకటేష్ కు నన్నపనేనికి జరిగిన తమషా చాట్ అందరినీ ఆనందింపచేసింది. 

       విదేశాల్లో ఉన్నా.. పిల్లలు తల్లిదండ్రుల్ని గుర్తు చేసుకుని గౌరవిస్తుంటే ఇది సినిమా చలవేనని టి.జి. వెంకటేష్‌ సినిమా గొప్పతనాన్ని ఆకాశానికి ఎత్తేశారు. నన్నపనేని నిజజీవితంలో రాజకీయాల్లోనే నటిస్తారు. సినిమాల్లో నటించడం కష్టమా అంటూ ఆయన చమక్కు విసిరారు. అయితే ఢిల్లీ వెళ్లి మొహం మాడ్చుకొచ్చారు. ఇక్కడైనా నవ్వండి అని తిరిగి ప్రతి చమక్కువేసి నవ్వులు పూయించారు. అదీ రాజకుమారి తడాఖా.. ఏమంటారు..

...avnk