పవన్ పార్టీ లో..దొంగలు-పనికిరానివాళ్లే?

Posted: 03/10/2014 03:17 PM IST

Tammareddy bharadwaja powerful comments on pawan party

టాలీవుడ్ లో పవన్ కళ్యాణ్ పార్టీ పై విభిన్న స్వరాలు వినిపిస్తున్నాయి. కొంత మంది పవన్ కళ్యాణ్ పార్టీ పెట్టాలని తెర వెనుక సపోర్టు చేస్తున్న సమయంలో.. టాలీవుడ్ పెద్దలు కొంతమంది దైర్యం చేసి, పవన్ కళ్యాణ్ పార్టీ పై విమర్శల స్వరం వినిపిస్తున్నారు. టాలీవుడ్ లో విమర్శలు చేసే పెద్దలు, పవన్ కల్యాణ్ పార్టీ పై ఎందుకు విమర్శలు చేస్తున్నారో ఎవరికి అర్థం కావటంలేదు. ఈరోజు టాలీవుడ్ దర్శక నిర్మాత తమ్మారెడ్డి భరద్వాజ్ పవన్ కళ్యాణ్ పార్టీ పై విచిత్రమైన కామెంట్ చేయటం జరిగింది.

ప్రస్తుతం పవన్ కళ్యాణ్ పార్టీ పెడితే.. ఖచ్చితంతో పార్టీలో చేరేది .. దొంగలు, పనికిరావాళ్లు, రాజకీయ పార్టీలో టిక్కెట్ రానివాళ్లు, గోడల దూకే జంప్ జిలానీలు చేరుతారని ఆయన అన్నారు. ఇప్పుడున్న పరిస్థితుల్లో కొత్త రాజకీయ పార్టీ అవసరమే కానీ, ఇప్పుడు పవన్ కళ్యాణ్ పార్టీ పెట్టడం అంత మంచిది కాదని ఆయన అన్నారు. అంతేకాకుండా పవన్ కళ్యాణ్ పార్టీ పెట్టడం వల్లే.. టాలీవుడ్ లో ఆయన ఇమేజ్ పూర్తిగా దెబ్బతింటుందని తమ్మారెడ్డి భరద్వాజ్ అంటున్నారు.

ఇలా ఒక రాజకీయ పార్టీ పెట్టాలని ఆలోచన పవన్ కల్యాణ్ కు కాస్త ముందుగా వచ్చినట్లై చాలా బాగుంటుందని, గతం సంవత్సరం ఆగష్టు నెలలో పవన్ కళ్యాణ్ పార్టీ పెడితే.. మంచి క్యాడర్ ని పార్టీలోకి వచ్చేదని ఆయన అన్నారు.

అంతేకాకుండా ఇప్పుడు పార్టీ పెట్టడం వల్లే, గతంలో మెగా అన్నయ్య చిరంజీవి పెట్టిన పిఆర్పీ పార్టీ పరిస్థితి ఏమైంది? వలస నాయకులు, దొంగలు, పనికిరానివాళ్లు చేరటంతో చివరకు పార్టీని కాంగ్రెస్ పార్టీలో కలిపేసి చేతులుదులుపుకున్న విషయం తెలిసిందే. ఇప్పుడు అదే బాటలో పవన్ కళ్యాణ్ వెళ్లకూడదని అనుకుంటానను కాబట్టి, నిజాన్ని నిర్భయంగా చెప్పటం జరిగిందని తమ్మారెడ్డి భరద్వాజ్ అన్నారు.

ఏమైన టాలీవుడ్ లో పవన్ కళ్యాణ్ పార్టీకి వ్యతిరేక గాలులు వీస్తున్న మాట వాస్తవం అని ఫిలింనగర్ వాసులు అంటున్నారు. ఈనెల 14న ఏం జరుగుతుందో చూద్దాం.

-ఆర్ఎస్