అర్థరాత్రి శింబు ఇంటికి వచ్చిన హన్సిక

Posted: 02/05/2014 12:36 PM IST

కోలీవుడ్ హీరో శింబు - హన్సిక డీప్ లవర్స్. ఒకర్ని విడిచి ఒకరు ఉండలేనంత. అలాంటి వీరు గత కొన్ని రోజులుగా క్రితం విడిపోయినట్లు వార్తలు వచ్చాయి. కాదు కాదు విడిపోయినట్లు జనాల్ని నమ్మించారు. వీరిద్దరు విడిపోయినట్లు భావిస్తున్న వారందరికి షాక్ ఇచ్చే సంఘటన ఒకటి జరిగింది శింబు బర్త్ డే రోజు. తన ప్రేమికుడు మాజీ లవర్ నయనతారకు దగ్గరయ్యాడని అలకబూనిన  హన్సిక కొన్ని రోజుల నుండి దూరంగా ఉంటటమే కాకుండా ఇటీవల టైం వచ్చినప్పుడు అసలు గుట్టు చెబుతానని స్టేట్ మెంట్ ఇచ్చింది.

నిజమే అనుకున్న సినీ జనాలు హన్సిక మాటలు నమ్మేశారు. సోమవారం రోజు జరిగిన శింబు బర్త్ డే పార్టీకి ఎక్కడో షూటింగులో ఉన్న హన్సిక తన ప్రియుడి కోసం రెక్కలు కట్టుకొని వచ్చి వాలి ప్రేమతో కేక్ తినిపించింది. ఈ సన్నివేశాన్ని చూసిన అక్కడి వారు ఆశ్చర్యపోవడమే కాకుండా ఇన్ని రోజులు దూరంగా ఉన్నట్లు బిల్డప్ ఇస్తూ వచ్చింది కానీ మనస్సులో మాత్రం ప్రియుడితో గడిపిన మధుర క్షణాలు మాత్రం మరచిపోలేదని అనుకున్నారు.

ఇక తన బర్త్ డే వచ్చిన ప్రేయసి కోసం శింబు తాజా సినిమా లోని ఓ పాట ‘ యూ ఆర్ మై డార్లింగ్ ’ టీజర్‌ని శింబు రిలీజ్ చేయడమే కాదు.. దానిని తన స్వీట్‌హార్ట్ హన్సికకు అంకితం చేశాడటంటే వీరిద్దరి బంధం ఎంత ద్రుడంగా ఉందో అర్థం చేసుకోవచ్చు.  చాలా గ్యాప్ తరువాత కలిసిన ఈ ప్రేమికులిద్దరు ఆ రాత్రంతా ఫుల్లుగా ఎంజాయ్ చేశారని అంటున్నారు.