జబర్థస్త్ కామెడీ షోకి పదవ స్థానం

Posted: 02/04/2014 03:09 PM IST

టీవీ ఛానల్స్ లో ప్రసారం అయ్యే కార్యక్రమాలకు వచ్చే రేటింగ్స్ బట్టే ఛానల్స్ టీఆర్పీ రేటింగ్ తీస్తారు. టీఆర్పీ రేటింగ్ బాగుంటే ఆ ఛానల్ ని ఎక్కువ మంది చూస్తారని అర్థం. అందుకోసం ఎప్పటికప్పుడు టీఆర్పీ రేటింగ్ ప్రకటిస్తుంటారు. తాజాగా వచ్చిన టీఆర్పీ రేటింగ్ ప్రకారం చూస్తే గత కొన్ని ఎపిసోడ్స్ నుండి తెలుగు తెర ప్రేక్షకుల్ని కడుపుబ్బా నవ్విస్తున్న ప్రోగ్రాం ‘జబర్థస్త్ ’ కి ఆదరణ తగ్గినట్లు కనిపిస్తుంది. అనతి కాలంలోనే ఫేమస్ అయిన ఈ ప్రోగ్రాం నెంబర్ వన్ స్థానం సంపాదించుకుంటూ ఈ టీవీ ఛానల్ ని మూడో ర్యాంకులో చాలా కాలం పాటు ఉంచింది.

అటువంటి ప్రోగ్రాం కి ఇప్పుడు ఎంటర్మెంట్ ప్రోగ్రామ్ లో పదో స్థానం దక్కింది. మొదటి ఎనమిది స్థానాల్లో మాటీవీలో వచ్చే మూడు ప్రోగ్రామ్స్, జెమినీలో వచ్చే మూడు ప్రోగ్రామ్స్, జీతెలుగులో వచ్చే ఒక ప్రోగ్రామ్ తరువాత ఈ టీవీలో ప్రసారం అయ్యే స్వరాభిషేకం కార్యక్రమం తరువాత స్థానాన్ని సాధించుకుంది. ఈ పరిస్థితి చూస్తుంటే ఆ షోలో కమేడియన్స్ చేస్తున్న బూతు కామెడీని చూసి చూసి జనాలకు బోర్ కొట్టిందో ఏమో కానీ ఈ కార్యక్రమానికి ఆదరణ తగ్గడంతో త్వరలో దీనిని మూసివేస్తారా ? అనే సందేహాలు వ్యక్తం చేస్తున్నారు బుల్లితెర ప్రేక్షకులు.