దిగివస్తున్న బంగారం ధర.. అదే బాటలో వెండి..

Posted: 11/16/2019 08:42 PM IST

సగటు కొనుగోలుదారుడ్ని క్రితం రోజున కలవరానికి గురిచేసిన కుందనం ధర ఇవాళ దిగివచ్చింది. రూ.40 వేలకు పైగా పలికిన నిన్నటి ధరతో పోల్చితే ఇవాళ బంగారం ధర స్పల్పంగా తగ్గింది. హైదరాబాద్ మార్కెట్లో ఇవాళ పది గ్రాముల 24 క్యారెట్ల బంగారం ధర రూ.130 తగ్గింది. దీంతో ధర రూ.39,810 వద్దకు చేరింది. అంతర్జాతీయంగా బలహీనమైన ట్రెండ్ సహా దేశీ బంగారు వ్యాపారులు, కొనుగోలుదారుల నుంచి డిమాండ్ కూడా మందగించింది.

దీంతో కాసింత ప్రతికూల వాతావరణం ఏర్పడిన క్రమంలో బంగారం ధరలు తగ్గుముఖం పట్టాయి. ఈ మేరకు బిలియన్ మార్కెట్ నిపుణులు అభిప్రాయపడుతున్నారు. అదే సమయంలో 10 గ్రాముల 22 కార్యెట్ల బంగార ధర కూడా రూ.130 తగ్గింది. దీంతో ధర రూ.36,490కు దిగొచ్చింది. బంగారంతోనే తన పయనాన్ని కూడా పెనవేసుకున్న సామాన్యుల ఆభరణం వెండి ధర బాటలోనే నడిచింది. వెండి కూడా ఏకంగా కేజీకి రూ.190 తగ్గింది. ప్రస్తుతం కేజీ వెండి ధర రూ.48,650లుగా కొనసాగుతోంది.

ఢిల్లీ మార్కెట్లో కూడా బంగారం ధర తగ్గింది. పది గ్రాముల 24 క్యారెట్ల బంగారం ధర రూ.100 తగ్గుదలతో రూ.38,500కు క్షీణించింది. అదేసమయంలో 10 గ్రామలు 22 క్యారెట్ల బంగారం ధర కూడా రూ.100 క్షీణతతో రూ.37,500కు తగ్గింది. బంగారం ధర బాటలోనే వెండి ధర కూడా పడిపోయింది. కేజీ వెండి ధర రూ.190 తగ్గింది. దీంతో ధర రూ.48,650కు దిగొచ్చింది. పరిశ్రమ యూనిట్లు, నాణేపు తయారీదారుల నుంచి డిమాండ్‌ మందగించడం ఇందుకు కారణం.