సండ్రకు ఆంధ్రాలో ట్రెయినింగ్..?

Posted: 06/23/2015 03:58 PM IST

Sandravenkata veeriah may trained by the ap police for telangana acb training

ఏపి ఏసీబీ అధికారుల దగ్గర తెలుగుదేశం పార్టీ ఎమ్మెల్యే సండ్ర వెంకట వీరయ్య ట్రైనింగ్ తీసుకుంటున్నారని తాజాగా ఓ పుకారు షికారు చేస్తోంది. ఓటుకు నోటు కేసులో సండ్రను హాజరుకావాల్సిందా తెలంగాణ ఏసీబీ అధికారులు నోటీసులు పంపించారు. అయితే ఈ కేసు తీవ్రత రోజు రోజుకు పల్చబడుతున్నందునే రాలేదని కొందరు ప్రచారం చేస్తుంటే.. లేదు తెలంగాణ ACB విచారణకు ఆంధ్రాలో ట్రైనింగ్ ఇస్తున్నారని మరి కొందరు ప్రచారం చేస్తున్నారు. రేవంత్ రెడ్డి ఓటుకు నోటు కేసులో నోటీసులందుకున్న తెలంగాణ టీడీపీ ఎమ్మెల్యే సండ్రా వెంకట వీరయ్య శుక్రవారం సాయంత్రం ఏసీబీ ముందు హాజరు కావాల్సి ఉంది. కానీ ఆయన రాలేదు ఓ లేఖ మాత్రమే వచ్చింది.

అనారోగ్యం కారణంగా విచారణకు హాజరుకాలేకపోతున్నానని, నియోజకవర్గం పర్యటనలో వెన్నునొప్పి, కుడికాలు నొప్పి రావడంతో డాక్టర్లు 10 రోజుల పాటు రెస్ట్ తీసుకోవాలని సూచించారని అందువల్ల రాలేకపోతున్నానని ఆ లేఖలో వివరించారు. కోలుకున్న వెంటనే వస్తానని, లేదా తానున్న ఆస్పత్రికి వచ్చినా సమాధానాలు ఇచ్చేందుకు సిద్దమే అని ఆ లేఖలో తెలిపారు. మరి సండ్ర నిజంగానే చికిత్స పొందుతుంటే ఏ ఆస్పత్రిలో ఉన్నారు. ఎక్కడ ఉన్నారు అనే దానిపై క్లారిటీ లేదు. దీనిపై అనేక రూమర్స్ హల్ చల్ చేస్తున్నాయి..

విశాఖలో ఉన్నారనే వార్తలు హల్ చల్ చేస్తున్నాయి. ఒకవేళ సండ్రా విశాఖలో ఉంటే ఎందుకు అక్కడికి వెళ్లినట్లు ? నిజంగానే ఆసత్పికి వెళ్తే హైదరాబాద్ కు రాకుండా విశాఖకు ఎందుకు వెళ్లినట్లు.. ఇలాంటి ప్రశ్నలు గుప్పిస్తోంది బాబు వ్యతిరేఖ వర్గం. ఏపీలో ఏసీబీ అధికారులచే ట్రైనింగ్ ఇప్పిస్తున్నారని ఆరోపిస్తున్నారు.. తెలంగాణ ఏసీబీ అడిగే ప్రశ్నలకు ఎలా సమాధానం చెప్పాలి.... ఎలాంటి ప్రశ్నలు అడిగే అవకాశం ఉంది అనే అంశాలపై పూర్తిగా ప్రిపేర్ చేస్తున్నారని ప్రచారం చేస్తున్నారు..విశాఖలో ఏపీ ఏసీబీ అధికారులు సండ్రకు సూచనలు ఇస్తున్నారని చంద్రబాబు వ్యతిరేఖ వర్గం ప్రచారం చేస్తోంది.. చంద్రబాబును కేసు నుంచి తప్పించేందుకు సండ్రను పూర్తి స్థాయిలో ప్రిపేర్ చేస్తున్నారని వార్తలు ప్రచారం చేస్తున్నారు..

*అభినవచారి*