రాష్ట్రంలో జైరామ్ ‘గోవిందా’ గోల?

Posted: 11/22/2013 05:52 PM IST

రాష్ట్ర రాజకీయ నాయకుల్లో .. నిన్నటి నుండి.. ఒకటే గోవిందా గోల. ఏ రాజకీయ నాయకుడ్ని కదిలించిన కేంద్రం మంత్రి జైరామ్ రమేష్ గోవిందా.. గోవిందా గోల గురించే హాట్ టాఫిక్ గా మారింది. దీనిపై రాష్ట్ర రాజకీయ నాయకులు చెబుతున్న బిన్నాభిప్రాయాలు ఇవే. సీమాంద్ర కాంగ్రెస్ నాయకులు రాష్ట్ర విభజన ఆగిపోయిందని, అందుకే జైరామ్ రమేష్ గోవిందా.. గోవిందా అన్నారని అంటున్నారు. దీనికి తెలంగాణ కాంగ్రెస్ నాయకులు మరోలా చెబుతున్నారు. తెలంగాణ ఏర్పాటుకు సంబంధించిన అన్ని ఏర్పాట్లు పూర్తి కావటంతో.. ఆయన గోవిందా .. గోవిందా అన్నారని అంటున్నారు.

 

గోవిందా అంటే సాధారణంగా వ్యతిరేకార్థంలోనే వస్తుంది కాబట్టి ఇక తెలంగాణ రాదనే అర్థం వస్తుందని అందుకు ఆయన గోవిందా గోవిందా అన్నారని.. జగన్ పార్టీలోని సీనియర్ నాయకుడు అంబటి రాంబాబు అంటున్నారు. తెలంగాణ టీడీపీ నాయకులు మాత్రం గోవిందా అంటే అసలు అర్థం గోవు ఇందా అని అంటే కోరిక తీరినట్లు అని వివరణ ఇస్తున్నారు. అసలు గోవిందా అనేది సహజంగా మనం ఏడుకొండల వెంకట స్వామి, ఆపద మొక్కుల వాడా, అనాధరక్షకా.. అంటూ గోవిందా.. గోవిందా అంటారు. ఇది భక్తిరసంతో కూడుకున్న పదం కాబట్టి. అలాగే.. ఎవరైన దివాల తీసినపుడు, ఏదైన భారీ సమస్య వచ్చినప్పుడు కూడా గోవిందా అనే పదం వాడుతుంటారు. అక్కడ ఆయా సందర్భాలను బట్టి గోవిందా నామాన్ని స్మరిస్తు ఉంటారు.

 

అయితే ఇక్కడ మాత్రం జీవోఎం సభ్యుల్లో ఒకరైన మంత్రి జైరామ్ రమేష్ కు ఏం కష్టం వచ్చిందో, గోవిందా.. గోవిందా.. అంటూ ఎందుకు ఉచ్చరించాడో.. అంతా ఆ ఏడుకొండల వెంకన్నస్వామికే తెలియాలి. గోవిందా అనే పదానికి రాష్ట్రంలోని రాజకీయ నాయుకులు రాజకీయ అర్థాలు చెప్పటం ఆశ్చర్యంగా ఉందని సామాన్య ప్రజలు అంటున్నారు.