ITEMVIDEOS: స్నేహానికి అసలైన అర్థం.. మహీంద్రా మనస్సు మెచ్చిన వీడియో.!

Posted: 04/09/2022 05:24 PM IST

సోషల్ మీడియాలో ఆసక్తికరమైన, అద్భుతమైన విషయాలను పంచుకోవడంలో మహీంద్రా అండ్ మహీంద్రా గ్రూప్ సంస్థల చైర్మన్, దిగ్గజ పారిశ్రామికవేత్త ఆనంద్ మహీంద్రా నిత్యం ముందుంటారు. మొన్నామధ్య ప్రకృతికి సంబంధించిన ఓ ఫోటోను పంచుకుని దానిని కాస్తా వైరల్ చేశారు. ప్రకృతి సహజసిద్దమైన ఈతకొలను అని క్యాప్షన్ ఇచ్చిన ఆయన ఇలాంటి ఈతకొలనులో ఒక్కసారి జలకాలాడాలని కూడా తన మనస్సులోని కోరికను పంచుకున్నారు. హిమాలయాల్లో ఉన్న ఈ సహజసిద్ద ఈతకొలను స్వర్గాన్ని తలపిస్తోందని అన్నారు.

ఈ ఈతకొలను ఉత్తరాఖండ్ లోని ధార్ చులా ప్రాంతంలో చుట్టూ కోండలు, కోనల మధ్య ప్రకృతి హరివిల్లు నెలకొని ఉండటం గమనార్హం. ఇక తాజాగా ఆయన ఒక వైరల్‌ వీడియోని ట్విట్టర్‌లో పోస్ట్‌ చేశారు. ఈ వీడియో స్నేహం విలువ, స్నేహితుడి అంటే ఎలా ఉండాలో చెబుతుందని అన్నారు. స్నేహం గురించి పెద్ద ఉపన్యాసమే ఇచ్చారు. అసలు ఇంతకీ ఆ వీడియోలో ఏముంది అనే కదా!. ఇటీవల ఓ గేద కూడా ఇలాంటి సాయం చేయడం.. దానిని నెటిజనులు సోషల్ మీడియాలో షేర్ చేశారు. అయితే అచ్చంగా అలాంటి వీడియోనే ఇప్పడు ఆనంద్ మహీంద్రా నెటింట్లో షేర్ చేశారు.

వివరాల్లోకెళ్తే... ఆ వీడియోలో రెండు తాబేళ్లు ఉన్నాయి. అందులో ఒక తాబేలు బోర్లాపడి లేచేందుకు ఇబ్బందిపడుతోంది. దీంతో ముందువెళ్తున్న తాబేలు తనతో పాటు మరో తాబేలు రావడం గమనించింది. దీంతో ఆ తాబేలు ఆగి మరీ వెనక్కివచ్చి అవస్థలు పడుతున్న ఆ తాబేలుకు సాయం చేస్తుంది. దీంతో ఆ తాబేలు హమ్మయ్య అనుకుంటూ చకచక వెళ్లిపోతుంది. ఈ వీడియోలో తాబేళ్ల మధ్య స్నేహాన్ని వివరించారు మహింద్రా. ‘‘స్నేహానికి అసలైన అర్ధం ఇదే కదా. మనం సమస్యల్లో ఉన్నప్పుడూ మనకు చేయూత నిచ్చి మన కాళ్లపై తిరిగి నిలబడేలా చేసేవాడు నిజమైన స్నేహితుడు. ప్రతిఒక్కరు తమ జీవితంలో మంచి స్నేహితుడి కలిగి ఉండటానికి మించిన గొప్పవరం ఇంకొకటి లేదు." అని అన్నారు.

The phrase ‘Turning turtle’ means to be flipped upside down. But after seeing this I think it should mean helping a friend in need. One of the greatest gifts in life is to have a buddy who helps you get back on your feet and Rise. pic.twitter.com/7VpINFzJdm

— anand mahindra (@anandmahindra) April 8, 2022