జమ్మూకాశ్మీర్ లోని షోపియాన్ లో ఎన్ కౌంటర్.. ఉగ్రవాది హతం..

Posted: 10/01/2021 11:54 AM IST

జమ్మూకాశ్మీర్లో మరో విధ్వంసానికి ఉగ్రవాదులు తెరలేపారు. మరోసారి భారత భద్రతా బలగాలను లక్ష్యంగా చేసుకుని ఉగ్రదాడి చేయాలని రెచ్చిపోయారు. అయితే ఉగ్రవాదులు నక్కిన సమాచారం అందుకున్న భారత బలగాలు షోపియన్ లోని రఖామా ప్రాంతంలో గాలిస్తుండగా, భారత జవాన్లపై ఉగ్రవాదులు కాల్పులు జరిగాపరు. దీంతో వెంటనే అప్రమత్తమైన భారత భద్రతా దళాలు ఎదరుకాల్పులు ప్రారంభించాయి. దీంతో రెండు వర్గాల మధ్య భీకర ఎన్ కౌంటర్ కొనసాగింది.

ఈ ఘటన దక్షిణ కాశ్మీర్‌లోని షోపియాన్‌ జిల్లాలోని రఖామా ప్రాంతంలో శుక్రవారం ఉదయం చోటు చేసుకున్నది. ఈ ఎన్ కౌంటర్ లో స్థానిక జమ్మూకాశ్మీర్ పోలీసులతో పాటు భద్రతా బలగాలు సంయుక్తంగా పాల్గోన్నాయి. బధ్రతా బలగాల కాల్పుల్లో ఓ గుర్తుతెలియని ఉగ్రవాది మరణించాడని అధికారులు తెలిపారు. అయితే అతను ఏ సంస్థకు చెందిన వాడు.. ఎందుకోసం భద్రతా బలగాలపై కాల్పులు జరిపాడన్న విషయం ఇంకా వెల్లడికాలేదు. కాగా ఉగ్రవాదులకు బద్రతా బలగాలకు మధ్య ఎన్ కౌంటర్ ఇంకా కోనసాగుతోందిని కాశ్మీర్ జోన్ పోలీసులు తెలిపారు.