ITEMVIDEOS: వాహనాలను తనిఖీ చేస్తున్నకానిస్టేబుల్.. ఢీకొట్టిన కారు డ్రైవర్

Posted: 08/14/2021 07:43 PM IST

పంజాబ్ లోని పాటియాలా న‌గ‌రంలో ఓ కారు డ్రైవ‌ర్ చేసిన ప‌ని స్థానికుల‌ను భ‌యాందోళ‌న‌కు గురిచేసింది. స్వాతంత్ర్య దినోత్సవ వేడుకల నేపథ్యంలో ఉగ్రవాదులు కుట్రలకు ప్లాన్ చేశారన్న నిఘా వర్గాల సమాచారంతో దేశవ్యాప్తంగా అన్ని రాష్ట్రాల్లో తనిఖీలు కొనసాగుతున్నాయి. ఈ నేపథ్యంలో తమ విధుల్లో భాగంగా శనివారం కూడా పాటియాలాలో పోలీసులు వాహ‌నాల‌ను త‌నిఖీ చేస్తున్నారు. ఏ వాహనాన్ని కూడా వదలకుండా అన్ని వాహనాలను తనిఖీలు చేస్తున్నారు పోలీసులు.

ఈ క్ర‌మంలో అటుగా వ‌స్తున్న‌ ఓ కారును అక్కడే విధులు నిర్వహిస్తున్న ఓ కానిస్టేబుల్ ఆపే ప్ర‌య‌త్నం చేశాడు. అయితే కారు డ్రైవ‌ర్ పోలీసు కానిస్టేబుల్ ను గమనించి కారును వేగంగా ముందుకు తీసాడు. దీంతో కానిస్టేబుల్ అడ్డుగా వెళ్లగా వేగంగా.. ఆప‌కుండా కానిస్టేబుల్ మీదకు దూసుకొచ్చాడు. చేసేది లేక కానిస్టేబుల్ త‌ప్పుకునేందుకు ప్ర‌య‌త్నించాడు.అయినా అందుకు కూడా అవ‌కాశం ఇవ్వ‌ని కారు డ్రైవర్.. వాహనాన్ని వేగంగా ముందుకు నడిపించాడు. కారును అపేందుకు వచ్చిన కానిస్టేబుల్ పరిస్థితి ఎలా వుందన్న విషయం కూడా పట్టించుకోకుండా ఢీకొట్టి పారిపోయాడు.

ఈ ఘ‌ట‌న‌లో కానిస్టేబుల్‌కు తీవ్ర గాయాల‌య్యాయి. కారు వేగంగా ముందుకు దూసుకురావడంతో తప్పించుకునే ప్రయత్నంలో ఆయన కిందపడ్డాడు. ఎలాగోలా ముందు టైర్ నుంచి తప్పించుకున్నా.. వెనక టైరు మాత్రం ఆయన కాలిపై నుంచి పోకింది. ఆయన ఎడమ కాలు ఫ్రాక్చర్ అయ్యిందని స్థానికులు తెలిపారు. తోటి పోలీసులు ఆయ‌న‌ను చికిత్స నిమిత్తం ఆస్ప‌త్రికి త‌ర‌లించారు. ఓ కారు డ్రైవ‌ర్ త‌నిఖీ నుంచి త‌ప్పించుకునేందుకు త‌మ పోలీస్‌ను ఢీకొట్టి కారుతో ప‌రార‌య్యాడ‌ని, ప్ర‌స్తుతం ఆ కారును ట్రేస్ చేసి నిందితుడిని అదుపులోకి తీసుకున్నామ‌ని పాటియాలా డీఎస్పీ హేమంత్ శ‌ర్మ చెప్పారు. కేసుకు సంబంధించి త‌దుప‌రి విచార‌ణ కొన‌సాగుతున్న‌ద‌న్నారు.

#WATCH Car evading security check hits police personnel in Patiala, Punjab

Police say the injured police personnel is under medical treatment, car traced, further investigation underway

(Video source: Police) pic.twitter.com/ZF9wygy8Xm

— ANI (@ANI) August 14, 2021