అనుమానపు మొగుడి అకృత్యాలతో హడెలిత్తిన భార్య..

Posted: 08/29/2017 12:08 PM IST

Man forces wife to undergo fidelity test

తన అర్థాంగి (తనలో సగం)పై అనుమానం పెంచుకున్న భర్త.. సభ్యసమాజం సిగ్గుతో తలదించుకునేలా వ్యవహరించి.. కటకటాలపాలయ్యాడు. భార్యపై అనుమానం పరాకాష్టకు చేరడంతో అమెను మానసికంగా, శారీరకంగా వేధించడమే కాకుండా శీల పరీక్ష కూడా నిర్వహించిన వైనం వెలుగులోకి రావడంతో ఆ క్రూరమృగాన్ని పోలీసులు అరెస్టు చేశారు. భర్తతో కలసి కాపురం చేయాలని కౌన్సిలింగ్ ఇచ్చిన పోలీసులకు.. అతను చేసిన అకృత్యాలను వెల్లబోసుకునేసరికి పోలీసులే నిర్ఘాంతపోయారు.

మహబూబాబాద్ జిల్లా తొర్రూర్ కు చెందిన పాతికేళ్ల ప్రియాంక, వరంగల్‌ జిల్లా వర్ధన్నపేటకు చెందిన రవితో 2005లో వివాహం కాగా, వారికి ఇద్దరు పిల్లలు వున్నారు. పెళ్లైన తరువాత రవికి కేంద్ర ప్రభుత్వ ఉద్యోగం రావడంతో వర్థన్నపేట నుంచి ఘట్ కేసర్‌ మండలం పోచారం పంచాయతీ పరిధిలోని అన్నోజిగూడలో కాపురం పెట్టారు. తాను డ్యూటీకి వెళ్లినప్పుడు తన భార్యత అక్రమ సంబంధం పెట్టుకుందని భార్యపై అనుమానం పెంచుకున్నాడు. దీంతో ఆమెను శారీరకంగా, మానసికంగా హింసించి మనోవేదనకు గురిచేశావాడు.

ఈ వేదింపులకు చివరకు ప్రియాంక జననాంగాలపై కత్తిగాట్లు దాటి.. అమెను శీల పరీక్ష చేయించుకోమ్మనే స్థాయికి వెళ్లాయి. దీంతో భర్త వేధింపులను తాళలేని ఆమె ఇటీవల పుట్టింటికి వెళ్లినా.. అమెపై అక్కడే దాడి చేసి.. ఇంటికి తీసుకోచ్చాడు. పదిరోజుల మామూలుగానే వున్న రవి మళ్లీ వేదింపులకు పాల్పడ్డాడు. భర్త చర్యలను తట్టుకోలేని ప్రియాంక ఈ నెల 24న పిల్లలతో కలసి బంధువుల ఇంటికి వెళ్లింది. తన భార్య అచూకీ తెలియడం లేదన్న రవి పిర్యాదు మేరకు రంగంలోకి దిగిన పోలీసులు అమె జనగాంలో ఉన్నట్లు గుర్తించారు.

అక్కడి నుంచి తమ పోలీస్ స్టేషన్ ను తీసుకువచ్చిన ఘట్ కేసర్ పోలీసులు.. అమెకు కౌన్సిలింగ్ ఇచ్చే ప్రయత్నం చేశారు. భర్తతో కలసి సుఖంగా సంసార జీవనాన్ని గడపాలని సూచించారు. ఇకపై మీ భర్త అనుమానించడని కూడా చెప్పారు. పోలీసులు బలవంతం పెట్టడంతో తట్టుకోలేకపోయిన ప్రియాంక తనకు భర్తతో కాపురం ఇష్టం లేదని తెగేసి చెప్పింది. భర్త చేసిన అకృత్యాలను ఘట్ కేసర్ పోలీసులు దృష్టికి తీసుకురావడంతో.. నిర్ఘాంతపోయిన పోలీసులు.. అమె భర్తపై కేసులు నమోదు చేసి కటకటాల వెనక్కి నెట్టారు.