కోడిపందేలపై హైకోర్టు నిషేధం

Posted: 12/26/2016 11:16 AM IST

ఉమ్మడి రాష్ట్రాల హైకోర్టు సంచలనం నిర్ణయం వెలువరించింది. కోడిపందెలపై బ్యాన్ వేస్తూ తీర్పు వెలువరించింది. వాటి నిర్వహణను అడ్డుకోవాలని సూచిస్తూ ప్రభుత్వానికి ఆదేశాలు జారీ చేసింది. పందాల పేరుతో మూగజీవాలను హింసిస్తున్నారంటూ దాఖలు చేసిన పిటిషన్ పై స్పందించిన హైకోర్టు సోమవారం ఉత్తర్వులు జారీ చేసింది.

ఈ మహా జూదానికి కొందరు రాజకీయ వేత్తలే ప్రత్యక్షంగా మద్ధతు ఇస్తున్నారని, పోలీసులు కాపాలా కాస్తున్నారని, బాధ్యత గల పౌరులు జంతు హింసను పరోక్షంగా ప్రోత్సహిస్తున్నారంటూ బెంచ్ వ్యాఖ్యానించింది. పల్నాటి పౌరుషానికి ప్రతీకగా పేర్కొనే కోడి పందాలు అనేక సిని మాల్లో తెరకెక్కాయి. సంక్రాంతి సంప్రదాయం పేరుతో పశ్చిమ గోదావరి జిల్లా డెల్టా ప్రాంతం లో పెద్ద ఎత్తున సాగే ఈ కోడి పందాల ద్వారా సుమారు 300 కోట్ల బెట్టింగ్ పైగానే జరుగుతుందనేది ఓ అంచనా మాత్రమే.

గతేడాది జనవరిలోనే దీనిపై విచారణ చేపట్టాలని హైకోర్టును సుప్రీం కోర్టు ఆదేశించిన విషయం తెలిసిందే. ఇక సంక్రాంతికి నిర్వహించే కోడి పందేలను బ్యాన్ చేయాలన్న నిర్ణయంపై పై పందెం రాయుళ్లు కోర్టు వెళ్తారేమో చూడాలి.