వాట్సాప్ లో పోలీసాయన బూతు పనులు

Posted: 06/24/2016 09:22 AM IST

రోజువారీ పనులతో మిత్రులకు బంధువులకు బిజీ అవుతున్న వ్యక్తులకు ఆన్ లైన్ మీటింగ్‌ వాట్సాప్. సందేశాలతోపాటు క్షణాల్లో ఫోటోలు, వీడియోలు షేర్ చేసేందుకు వాడుతున్న వాట్సాప్ ఇప్పుడు బూతు మెసేజ్‌లకు వేదికవుతోంది. అసభ్యకర ఫోటోలు, వీడియోలను చేరవేసే ఓ పరికరంగా మారుతోంది. తాజాగా మధ్యప్రదేశ్ లో వెలుగుచూసిన ఓ దిగ్ర్భాంతికర విషయంలో పోలీస్ వాట్సాప్ ను ఎలా వాడుతున్నాడో చూడండి.

పోలీస్ ఉన్నతాధికారులు ఉన్న ఓ గ్రూప్ లోనే ఓ ఏఎస్సై అశ్లీల ఫొటోలు పోస్ట్ చేశాడు. నీముచ్ కు చెందిన ఏఎస్సై మంగీలాల్ పవార్ బుధవారం రాత్రి అశ్లీల ఫొటోలను ‘వాట్సాప్’ గ్రూప్ లో పెట్టాడు. అయితే, ఈ ఫొటోలపై గ్రూపు నిర్వాహకుడు(అడ్మినిస్ట్రేటర్) అభ్యంతరం వ్యక్తం చేయడమే కాకుండా పోలీసులకు కూడా ఫిర్యాదు చేశాడు. ఇదే గ్రూప్ లో ఎస్పీ మనోజ్ కుమార్ సిన్హా కూడా సభ్యుడిగా ఉండటం విశేషం.

కాగా, ఈ అశ్లీల ఫొటోల పోస్టింగ్ పై సదరు మంగీలాల్ పొంతనలేని వివరణ కూడా ఇచ్చుకున్నాడు. డిలీట్ చేయబోయి, పొరపాటున ‘సెండ్’ క్లిక్ చేశానంటూ చెప్పుకోచ్చాడు. కానీ, అప్పటికే విషయం పోలీసులు, ఉన్నతాధికారులకు తెలియటంతో అతనిపై వేటుపడింది.