ITEMVIDEOS: రోజా మీద కోటి రూపాయల పరువు నష్టం దావా!

Posted: 01/27/2016 10:54 AM IST

ఏపి నగరి ఎమ్మెల్యే రోజా గడ్డు పరిస్థితులను ఎదుర్కోవాల్సి ఉంటుంది. గతంలో ఏపి అసెంబ్లీ సమావేశాల్లో రోజా చేసిన వ్యాఖ్యల మీద తీవ్ర దుమారం రేగింది. రోజా చేసిన వ్యాఖ్యలు అసెంబ్లీలో అన్ని పక్షాల మధ్య వివాదానికి కేంద్ర బిందువుగా మారాయి. కాల్ మనీ అంశంలో ఏపి సిఎం నారాచంద్రబాబు నాయుడుకు వ్యతిరేకంగా నిరసన తెలుపుతున్న వైసీపీ ఎమ్మెల్యేలలో రోజా మరీ పరుషంగా మాట్లాడారు. కామ సిఎం అంటూ నినాదాలు చేశారు. అయితే చంద్రబాబుకు అండగా నిలిచిన ఎమ్మెల్యేలు, మంత్రలను రోజా తీవ్రంగా వ్యతిరేకిస్తూ నోటికివచ్చినట్లు మాట్లాడారు. అయితే పాయకరావుపేట ఎమ్మెల్యే అనిత మీద తీవ్ర వ్యాఖ్యలు చెయ్యడంతో ఆమె రోజా మీద కోటి రూపాయల పరువు నష్టం దావా వేసినట్లు మీడియకు వెల్లడించారు.

ఏపి అసెంబ్లీ సమావేశాల్లో అధికారపక్ష ఎమ్మెల్యేలు, మంత్రుల మీద తీవ్ర వ్యాఖ్యలు చేసిన రోజా మీద స్పీకర్ గతంలోనే సస్పెన్షన్ వేటు వేశారు. అయితే తాజాగా ఎమ్మెల్యే అనిత లీగల్ గా పోరాడాలని నిర్ణయం తీసుకున్నారు. తనకు జరిగిన అవమానం మరెవరికీ జరగకుండా ఉండాలనే తాను లీగల్ గా పోరాటానికి సిద్దపడుతున్నట్లు అనిత వెల్లడించారు. తన మీద లేనిపోని వ్యాఖ్యలు చేసిన రోజా లీగల్ గా నోటిసులు అందుకోవాలని.. అనిత అన్నారు. తాను ఏ తప్పు చెయ్యకున్నా కూడా తనను దూషించడం మీద ఆమె ఆగ్రహం వ్యక్తం చేశారు. తాను తప్పు చేసినట్లయితే క్షమాపణ చెప్పడానికి సిద్దం అని అనిత తెలిపారు.