భారత్ కు వ్యతిరేకంగా విమర్శలు వద్దు: పాక్ ప్రధాని

Posted: 12/19/2015 01:28 PM IST

భారత్, పాకిస్థాన్ లు బద్ద శత్రువులు అన్కన విషయం ప్రపంచం మొత్తం తెలుసు. భారత్ మీద పాకిస్థాన్ ఎప్పుడూ కయ్యానికి కాలుదువ్వుతుందని కూడా అన్ని దేశాలకు తెలుసు. అయితే రెండు దేశాల మధ్యన మంచి సంబందాల కోసం భారతదేశం ఎప్పుడూ ప్రయత్నిస్తూనే ఉంటుంది.. కాగా తాజాగా సుష్మా స్వరాజ్ పాకిస్థాన్ లో పర్యటిస్తున్నారు. భారత-పాక్ సంబందాలను మరింత మెరుగుపడడానికి సుష్మాస్వరాజ్ పర్యటన ఎంతో ఉపయోగపడుతుందని రెండు దేశాల ప్రజలు ఆశిస్తున్నారు. అయితే తాజాగా పాక్ ప్రధాని నవాజ్ షరీఫ్ ప్రకటన అందరికి ఆసక్తిని కలిగిస్తోంది.

భారత్ కు వ్యతిరేకంగా ఎలాంటి విమర్శలు.. కామెంట్లు చేయవద్దని తన మంత్రి వర్గానికి పాక్ ప్రధాని నవాజ్ షరీఫ్ సూచించారు. ఈ విషయాన్ని ప్రధాని సన్నిహితుడొకరు మీడియాకు తెలిపారు. భారత్-పాక్ దేశాల మధ్య శాంతి సంబంధాలు నెలకొల్పడానికి అగ్రనేతలు ప్రయత్నిస్తున్న ఈ టైంలో ఎటువంటి కామెంట్స్ చేయవద్దని… జాగ్రత్తగా వ్యవహరించాలని షరీఫ్ సూచించారు. భారత్ –పాక్ ల మధ్య శాంతి ఒప్పందాలపై ముందడుగు వేస్తామని షరీఫ్ ధీమాగా ఉన్నారు. రెండు దేశాల మధ్య శత్రుత్వాన్ని తగ్గించి, సంబంధాలు పెంపొందేలా వ్యవహరించాలని… సలహాలు ఇవ్వాలని మంత్రులకు, సన్నిహితులను నవాజ్ షరీప్ కోరినట్లు సమాచారం.