ఆర్బీఐ నిర్ణయాన్ని స్వాగతించిన కేంద్రమంత్రి అరుణ్ జైట్టీ

Posted: 09/29/2015 06:50 PM IST

భారతీయ రిజర్వు బ్యాంకు కీలకమైన వడ్డీ రేట్ల విషయమై ద్రవ్య పరపతి విధాన సమీక్షలో చర్చించి.. అనూహ్యంగా తీసుకున్న నిర్ణయం దేశ ప్రజలను విస్మయానికి గురిచేసింది. రెపో రేట్లను ఏకంగా 50 పాయింట్లు తగ్గించడాన్ని కేంద్రం స్వాగతించింది. భవిష్యత్‌లో ద్రవ్యోల్భణం మరింతగా తగ్గుతుందని కేంద్ర ఆర్థిక మంత్రి అరుణ్‌జైట్లీ వ్యాఖ్యానించారు. భారత ఆర్థిక వ్యవస్థ మెరుగుపడుతుందని ఆయన ఆశాభావం వ్యక్తం చేశారు. దేశంలోకి ఇక విదేశీ పెట్టుబడులు వస్తాయన్న ఆశాభావం ఆయన వ్యక్తం చేశారు.

కార్పొరేట్‌ కంపెనీలు భారీ స్థాయిలో పెట్టుబడులు పెడతాయని జైట్లీ అంచనా వేశారు. ఆర్‌బీఐ ప్రకటన తర్వాత మంగళవారం ఆయన మీడియాతో మాట్లాడుతూ ద్రవ్యోల్బణం అదుపులోనే ఉందని ఆర్‌బీఐ నిర్ణయాన్ని స్వాగతిస్తున్నట్లు చెప్పారు. 7.25 శాతం నుంచి రెపోరేటును 6.75 శాతానికి తగ్గించారని, ద్రవ్యోల్భణాన్ని నిరంతరం సమీక్షిస్తుండాలని ఆయన అన్నారు. ద్రవ్యోల్బణం తగ్గుతుందని చెప్పడానికి ఆర్‌బీఐ ఈ రోజు తీసుకున్న నిర్ణయమే నిదర్శనమని జైట్లీ పేర్కొన్నారు.

జి. మనోహర్