కేసీఆర్ ప్రకటనతో సందడి చేసిన తెలంగాణ!

Posted: 09/29/2014 09:10 PM IST

Telangana cm kcr orders officers to give financial support to heroes of immortals of telangana state

గతకొన్ని రోజులనుంచి తెలంగాణ రాష్ట్రంలో విపరీతమైన కరెంట్ కోతలు, రైతు రుణమాఫీలు, ఇతర సంక్షేమ పతకాల గురించి సీఎం కేసీఆర్ ఇంకా విశ్లేషణ ఇవ్వపోవడంతో ఆ రాష్ట్ర ప్రజలు ఆయన మీద నిప్పులు చెరిగిన విషయం అందరికీ తెలిసిందే! ఆయనకు వ్యతిరేకంగా నిరసనలు చేస్తూ.. దిష్టబొమ్మను దహనం చేయడం, రాస్తారోకోలు లాంటి కార్యక్రమాలను చేపట్టారు. నిన్నమొన్నటివరకు ఈ వ్యవహారం అలాగే కొనసాగించింది కానీ.. తాజాగా ఆయన ఇచ్చిన ప్రకటనతో అందరూ సంతోషాన్ని వ్యక్తం చేస్తున్నారు. చాలారోజుల తర్వాత ఆయన ఒక మంచి నిర్ణయాన్ని ప్రకటించారంటూ హర్షం వ్యక్తం చేస్తున్నారు.

ప్రత్యేక తెలంగాణకోసం ఎన్నో ఉద్యమాలను చేపట్టిన నేపథ్యంలో తమ ప్రాణాలను సమర్పించిన అమరవీరులు ఎంతోమంది వున్నారు. దీంతో తెలంగాణ రాష్ట్రం ఏర్పడకముందు సార్వత్రిక ఎన్నికల నేపథ్యంలో తమ ప్రభుత్వం ఏర్పడితే వారి కుటుంబసభ్యులకు ఆర్థికసహాయంతోపాటు కుటుంబంలో వున్న ఒక వ్యక్తికి ప్రభుత్వ ఉద్యోగాలు ఇస్తామని ప్రకటించారు. ఆ విషయంలో మొదట్లో విశ్లేషణ ఇవ్వలేకపోయినా.. తాజాగా ఆయన వారికి ఆర్థికసహాయాన్ని అందిస్తున్నట్లుగా ప్రకటించారు. జిల్లా కలెక్టర్ల నివేదిక ఆధారంగా తొలివిడతగా రూ.4602 కోట్లను విడుదల చేయనున్నారు. ఈ నిధులను 462 అమరవీరుల కుటుంబాలకు ఆర్థిక సహాయంగా అందివ్వనున్నారు.

అలాగే తెలంగాణ రైతులకు కూడా ఒక శుభవార్తను వెల్లడించారు. రాష్ట్రంలో వున్న విద్యుత్ కోతలను దృష్టిలో పెట్టుకుని ఆయన వారం రోజులవరకు వ్యవసాయానికి విద్యుత్ కోత లేకుండా చూడాలని.. అందుకు ఎంతరైటు పెట్టైనా సరే విద్యుత్ ను కొనుగోలు చేయాలని అధికారులను ఆదేశించారు. అలాగే త్వరలోనే రాష్ట్రంలో 24 గంటలు విద్యుత్ వుండేలా ప్రణాళికలను చేపడుతున్నామని ఆయన వెల్లడించారు. దీంతో ప్రజలందరూ ఆయన్ను పొగడ్తలతో ముంచెత్తి, సంతోషాన్ని వ్యక్తం చేస్తున్నారు.