రెఫరెండం పెట్టండి?

Posted: 07/15/2013 07:48 AM IST

కోట్లాది మంది తెలుగు ప్రజలు అన్నదమ్ముల్లా కలిసిమెలిసి ఉంటున్న ఆంధ్రప్రదేశ్‌ రాష్ట్రాన్ని విడగొట్టడం ఎవరి తరం కాదని, నెల్లూరు రూరల్‌ ఎమ్మెల్యే ఆనం వివేకానందరెడ్డి పేర్కొన్నారు. నగరంలోని పద్మావతి కల్యాణ మండపంలో సమైక్యాంధ్ర జేఏసీ ఏర్పాటు చేసిన సమావేశంలో ఆయన ముఖ్యఅతిథిగా మాట్లాడుతూ భారతీయ జనతాపార్టీ నాలుగు సీట్లు, నాలుగు ఓట్ల కోసం తెలంగాణ ఉద్యమంలో పాల్గొనడం సరికా దన్నారు. చంద్రబాబు నాయుడు కేసీఆర్‌కు మంత్రి పదవి ఇచ్చి ఉంటే కొత్తపార్టీని ఆవిర్భవించి ఉండేవారు కాదన్నారు. కేసీఆర్‌ తన స్వార్థం కోసం పార్టీ ఏర్పాటు చేసి తమ కుటుంబ సభ్యులకు పని కల్పిస్తూ తెలంగాణ ఉద్యమాన్ని లేవనెత్తాడే తప్ప, ఆప్రాంత ప్రజలను ఆదుకుంటా మనే ఉద్దేశం కూడా లేదన్నారు. తెలంగాణ అభివృద్ధి చెందిం దంటే అది వైఎస్‌ఆర్‌, కిరణ్‌కుమార్‌రెడ్డి ముఖ్య మంత్రులు కావడం వల్లేనన్నారు.