Posted: 03/22/2013 08:56 AM IST

ఈరోజు శాసన సభకు హజరవటానికి పాదయాత్రతో రావటానికి తెలంగాణా రాష్ట్ర సమితి నిర్ణయం తీసుకుంది. ఇది నిరసన పాదయాత్ర.  నిన్న తెలంగాణా వాదులు నిర్వహించిన సడక్ బంద్ కార్యక్రమంలో అనవసరంగా నాయకులను అరెస్ట్ చేసారంటూ నిరసిస్తూ తమ నిరసనను ఈ విధంగా ప్రకటించటానికి తెరాస నిర్ణయించుకుంది.  

ఉద్యమ అణచివేతకు కిరణ్ కుమార్ ప్రభుత్వం ప్రయత్నిస్తున్నదని, అది ప్రజాస్వామ్య హక్కులకు భంగం కలిగించేవిధంగా ఉందని, ఈ విషయం మీద ఈ రోజు ప్రభుత్వాన్ని శాసనసభలో నిలదీస్తామని తెరాస నాయకుడు హరీష్ రావు అన్నారు.  

నిన్న సడక్ బంద్ లో నేతల అరెస్ట్ లను వ్యతిరేకిస్తూ తెలంగాణా ప్రాంతమంతా నిరసనలు చేపట్టాలని తెలంగాణా ఐక్య కార్యాచరణ సమితి చైర్మన్ కోదండరామ్ పిలుపునిచ్చారు.

-శ్రీజ