Posted: 03/04/2013 11:04 AM IST

కరాచీలో జరిగిన జంట పేలుళ్లలో 45మంది మృతి చెందారు. మరో 150మందికి తీవ్ర గాయాలయ్యాయి. అడ్‌బాసి ఇమామ్‌బర్గ్‌లో తొలి బాంబు పేలగా, పది నిమిషాల వ్యవధిలోనే అదే ప్రాంతంలో మరో బాంబు పేలింది. రెండోసారి పేలిన బాంబు తీవ్రత ఎక్కువగా ఉందని ప్రత్యక్ష సాక్షులు చెబుతున్నారు.  క్షతగాత్రులను అడ్‌బాసిలోని జిన్నా, షాహిద్ ఆసుపత్రులకు తరలించారు. ఇప్పటివరకూ ఎనిమిది మృతదేహాలను గుర్తించినట్టు అధికారులు చెబుతున్నారు. మిగిలిన మృతదేహాలు గుర్తు పట్టలేనంతగా ముక్కలయ్యాయని తెలిపారు. మృతుల్లో ఒక మహిళ, ఇద్దరు పిల్లలు ఉన్నారు. క్షతగాత్రులు తీవ్రంగా గాయపడటంతో మృతుల సంఖ్య పెరిగే అవకాశం ఉన్నట్లు అధికారులు తెలిపారు.