Posted: 02/02/2013 01:49 PM IST

క్రికెటర్‌ సచిన్‌ టెండూల్కర్‌ శనివారం తిరుమల శ్రీవారిని దర్శించుకున్నారు. ఈరోజు ఉదయం సుప్రభాత సేవ సమయంలో ఆయన స్వామివారి దర్శనం చేసుకున్నారు. సంప్రదాయబద్దంగా పంచెకట్టులో ఆలయానికి వచ్చిన సచిన్‌కు టీటీడీ ఛైర్మన్‌ కనుమూరి బాపిరాజు, అర్చకులు స్వాగతం పలికారు. దర్శనం అనంతరం శాస్త్రోక్తంగా అర్చకులు ఆయనను దీవించారు. అనంతరం బాపిరాజు స్వామివారి శేషవస్త్రాలు, తీర్థప్రసాదాలను సచిన్‌కు అందజేశారు. శుక్రవారం రాత్రే తిరుమల చేరుకున్న సచిన్‌ అక్కడే బస చేశారు. సచిన్‌తో చాముండేశ్వరినాథ్‌ కూడా స్వామివారిని దర్శించుకున్నారు.