Posted: 02/02/2013 11:15 AM IST

కాలు నొప్పితో మూడు రోజుల పాటు విరామం తీసుకొని, ‘వస్తున్నా మీకోసం ’ పాదయాత్రను మళ్ళీ నిన్న క్రిష్ణా జిల్లాలో నుండి ప్రారంభించిన చంద్రబాబు నాయుడుకు అక్కడి విద్యార్థుల నుండి కఠినమైన ప్రశ్నలు ఎదుర్కొని కాస్తంత ఇబ్బంది పడ్డారు. పాదయాత్ర సందర్భంగా విద్యార్థులతో భేటీ అయి మాట్లాడారు. ఈ సందర్భంగా  అక్కడి విద్యార్ధులలో ఒకరు చంద్రబాబుకు ఓ ప్రశ్న వేశారు. సార్... మీరు సీఎంగా ఉన్నప్పుడు హైదారాబాద్ ని ఐటీ రంగంలో అభివ్రుద్ధి చేశారు. దాంతో ఉద్యోగాలు వస్తాయని మేం ఇంజనీరింగ్ చేశాం. ఇప్పుడేమో మీరు తెలంగాణకు అనుకూలంగా లేఖ రాశారు. మరి ఇప్పుడు వారు హైదరాబాద్ తో కూడిన తెలంగాణ కావాలంటున్నారు ? మాలాంటి వారు అక్కడ ఎలా ఉద్యోగాలు చేయాలి ? అని అడగటంలో చంద్రబాబుకు కాస్తంత తడబాటుకు గురైనట్లు సమాచారం.

హైదరాబాద్ తరువాత విజయవాడ, విశాఖపట్నం, తిరుపతి నగరాలకూ కనెక్టివిటీ తీసుకొచ్చి ఐటీ పార్క్‌లుగా అభివృద్ధి చేస్తున్న దశలోనే ఎన్నికలొచ్చిఓడిపోయాం'' అని బాబు బదులిచ్చారు. విజయవాడలో సాఫ్ట్‌వేర్ టెర్మినల్ పార్క్‌ను తమ హయాంలో తలపెట్టగా, కాంగ్రెస్ ప్రభుత్వం దానిని పట్టించుకొనేలేదన్నారు."మీ ఊళ్లలోనే మీరు ఉద్యోగాలు చేయాలనేది నా కోరిక'' అని చెప్పి తప్పించుకునే ప్రయత్నం చేశారు. ముందు ముందు పాదయాత్రలో చంద్రబాబుకు తెలంగాణ పై మరిన్ని చిక్కులు ఎదురైనా ఆశ్చర్యపోనక్కర్లేదు.