Posted: 01/05/2013 03:56 PM IST

శీలానికి ఉత్తరప్రదేశ్‌లోని ఓ పంచాయతీ విలువ కట్టింది! అత్యాచార బాధితురాలి బాధను ఆలకించాల్సిన పెద్దలు.. తాము చెప్పినంత డబ్బు తీసుకోవాలంటూ ఆదేశించారు! నిందితుడ్ని శిక్షించాల్సిన వారు... అతడికి వంతపాడారు! ప్రతాప్‌గఢ్ జిల్లాలోని మౌలి గ్రామానికి చెందిన 13ఏళ్ల బాలికను అదే గ్రామానికి చెందిన ఓ యువకుడు కొన్నాళ్ల క్రితం కిడ్నాప్ చేసి మహారాష్ట్రలోని నాగపూర్‌కు తీసుకెళ్లి అత్యాచారానికి పాల్పడ్డాడు. గత నెల 27న అతని నుంచి తప్పించుకుని వచ్చిన ఆ బాలిక తల్లిదండ్రుల సాయంతో గ్రామ పెద్దలను ఆశ్రయించింది. అదే యువకుడితో కూతురు వివాహం జరిపించాలని బాధితురాలి తల్లిదండ్రులు విజ్ఞప్తి చేశారు. ఇందుకు అంగీకరించని గ్రామ పెద్దలు.. నిందితుడి నుంచి రూ. 50వేలు ఇప్పిస్తామని, ఇదే తమ తీర్పు అని తేల్చిచెప్పారు.