Posted: 09/21/2012 03:33 PM IST

       దాయాది దేశం అమ్ములపొదలోకి మరో అస్త్రం వచ్చిచేరింది. తాజాగా ఇవాళ అణ్వస్త్ర సామర్థ్యం సంతరించుకున్న బాబర్ క్షిపణిని పాకిస్థాన్ విజయవంతంగా ప్రయోగించింది. హతాఫ్-7 క్షిపణి ప్రయోగ పరీక్ష విజయవంతమైనట్టు పాకిస్తాన్ ప్రకటించింది. 700కిలోమీటర్ల దూరంలోని లక్ష్యాలను ఈ క్షిపణి విజయవంతంగా ఛేదిస్తుంది. అత్యంత కచ్చితత్వంలో భూమి మీద లక్ష్యాలతో పాటు సముద్రం పైన లక్ష్యాలను సైతం ఛేదించగల అధునాతన పరిజ్ఞానంతో ఈ క్షిపణని రూపొందించారు. ఫలితంగా,  భారత్ లోని కొన్ని ప్రాంతాలు ఈ క్షిపణి పరిధిలో లక్ష్యాలుగా నిలిచే అవకాశం ఉంది. స్ట్రాటజిక్ ప్లాన్స్ డివిజన్ లెఫ్టినెంట్ జనరల్ ఖలీద్ అహ్మద్, నెస్కామ్ చైర్మన్ మహ్మద్ ఇర్ఫాన్, సైనిక, వ్యూహాత్మక సంస్థలకు చెందిన పలువురు అధికారులు ఈ ప్రయోగాన్ని వీక్షించారు. క్షిపణి ప్రయోగం విజయవంతం కావడం వల్ల పాక్ అధ్యక్షుడు, ప్రధాని తమ శాస్త్రవేత్తలకు అభినందనలు తెలిపారు. ఈ క్షిపణి ప్రయోగాన్ని భారత్, అమెరికాతోపాటు పలు దేశాలు నిశితంగా గమనిస్తున్నాయి.

...avnk