Posted: 08/02/2012 10:00 AM IST

మహరాష్ట్ర లోని పూణే నగరం  బాంబు పేలుళ్లుతో  దద్దరిల్లింది.   రాత్రి పట్టణంలో  వరుసగా ఐదు పేలుళ్లు  జరిగాయి.  స్థానిక  జేఎం  రోడ్డులోని మెక్ డొనాల్స్డ్ రెస్టారెంట్  , బాలగంధర్వ్  థియేటర్  సమీపంలో  ఐదు  బాంబు పేలుళ్లు  సంభవించినట్టు పోలీసు వర్గాలు  పేర్కొన్నాయి.  అయితే వీటి తీవ్రత  తక్కువగా  వుంది.  ఈ పేలుళ్లలో ఒకరు గాయపడ్డారు.  పోలీసులు  ఆరో  బాంబును  కనుగొని  నిర్వీర్యం  చేశారు.  బాలగంధర్వ్  ధియేటర్ లో  కేంద్ర హోంమంత్రి  సుశీల్  కుమార్ షిండే  పర్యటించాల్సివుండగా  ఈ బాంబు  పేలుళ్లు  జరగడం  గమనార్హం . దీంతో  అప్రమత్తమైన పోలీసులు పట్టణంలో  ముమ్మరంగా తనిఖీలు  చేస్తున్నారు.   మహారాష్ట్ర లో బాంబు పేలుళ్లతో నగర  పోలీసులు అప్రమత్తమయ్యారు. హైదరాబాద్ లో  హై అలర్ట్  ప్రకటించినట్లు  కమిషనర్  అనురాగ్  శర్మా తెలిపారు.  నగరంలో పలు చోట్ల పోలీసులు  తనిఖీలు  నిర్వహిస్తున్నట్లు  ఆయన చెప్పారు.