Posted: 07/16/2012 02:12 PM IST

పురుషుల్లో  కంటే స్త్రీలలోనే  ప్రజ్ణాలభ్ది ( ఐ.క్యు)  స్థాయి బాగా పెరిగినట్లు  మనస్తత్వ నిపుణులు తాజాగా  గుర్తించారు.  ఈ శతాబ్ధంలో  మహిళలు  ఇలా ఐ.క్యు విషయంలో  పురుషుల  కంటే  ముందడుగులో  ఉండటం  ఇదే ప్రథమమని పేర్కొన్నారు. శతాబ్ధం క్రితం  ఈ దిశగా  పరీక్షలను  మొదలు  పెట్టినప్పుడు  మహిళలు 5 పాయింట్లు  వెనకబడి  ఉన్నట్లు  గుర్తించామనీ .. ఇటీవలి  కాలంలో   తేడా బాగా తగ్గిపోయిందనీ .. ఈ ఏడాది  వారు పురుషులను అధిగమించి  ముందుకెళ్లి  పోయారన్నారు.

 రకరకాల పనులను  ఒంటిచేత్తో సమర్థంగా  ఏకకాలంలో  చక్కబెట్టగలిగిన  ప్రత్యేకత  మహిళలకు సహజ సిద్దంగా  వచ్చిన లక్షణం. వారిలోని ఈ  ప్రత్యేక  లక్షణమే  నేడు ప్రజ్ణాలబ్ది విషయంలో  అగ్రభాగాన నిలిపిందని  మనస్తత్వ నిపుణులు  తెలిపారు.  ప్రజ్ణా లబ్థి పరీక్షల్లో  అందేవేసిన  చెయ్యి   అయిన జేమ్స్ ప్లిన్ తాజా పరిశోధనల్లో  అబ్బురపరచే  ఈ నిజాన్ని  కనుగొన్నారు.  గత వందేళ్ల కాలంలో స్త్రీ, పురుషులిద్దరిలోనూ,  ప్రజ్ణాలభ్ది స్థాయులు గణనీయంగా   మెరుగుపడ్డాయి.  మహిళల్లో  ఈ పెరుగుదల  అత్యంత చురుగ్గా ఉన్నట్లు  వెల్లడైందని  జేమ్స్ ప్లిన్ పేర్కొన్నారు.  ఆధునిత  పర్యవసానమే  ఈ మార్పు అని విశ్లేషించారు.