Posted: 07/16/2012 01:23 PM IST

మాజీ ప్రపంచ సుందరి, బాలీవుడ్ టాప్ హీరోయిన్, ప్రముఖ నటుడు భార్య అయిన ఐశ్వర్యరాయ్ ఈ మధ్యనే పండంటి బిడ్డకి జన్మనిచ్చి తల్లి అయిన విషయం తెలిసిందే. అప్పటి నుండి సినిమాలకు దూరంగా ఉంటూ, పూర్తిగా బిడ్డ సంరక్షణలో నిమగ్నమైన ఐశ్ ఏదైనా పరీక్షలు రాస్తుందనుకుంటే మనం తప్పులో కాలేసినట్లే. మరి ఈమె ఫోటో హాల్ టిక్కెట్ పై ఎందుకు వచ్చిందనేగా మీ సందేహం. ఏం లేదండీ... ప్రభుత్వాధికారుల తీరు, అలసత్వం మనకు తెలిసిందేగా. ఈ సంఘటన మన రాష్ట్రంలో జరగలేకున్నా... ఎక్కడైనా ప్రభుత్వాల పనితీరు ఒక్కటే అని మరోసారి నిరూపించారు.

కర్ణాటకలోని కార్వార జిల్లాలో ఆదివారం రోజున ఉపాధ్యాయుల రాత పరీక్ష జరిగింది. అందులో నారాయణ అనే వ్యక్తికి పంపిన హాట్ టిక్కెట్ లో ఐశ్వర్య ఫోటోను అతికించారు. దీంతో ఖంగుతిన్న సదరు అభ్యర్థి అధికారులకు ఫిర్యాదు చేయడంతో ఈ విషయం వెలుగులోకి వచ్చింది.