Posted: 04/16/2012 06:34 PM IST

ప్రత్యేక తెలంగాణ రాష్ట్రం కోసం టీఆర్ఎస్ అధ్యక్షుడు కల్వకుంట్ల చంద్రశేఖర్ రావుతో పాటు తన కూతురు కూడా తన వంతు పాత్ర పోషిస్తుంది. తెలంగాణ రాష్ట్ర కట్టు బాట్లు, సాంప్రదాయాలను కాపాడేందుకు 2006లో తెలంగాణ జాగ్రుతి సమితిని ఏర్పాటు చేసి దాని అధక్షురాలిగా ఉంటూ వివిధ కార్యక్రమాల్లో పాల్గొంటున్న కల్వకుంట్ల కవిత ఇక పై ప్రత్యక్ష రాజకీయాల్లోకి రానున్నారనే ప్రచారం ఎప్పటి నుండో జరుగుతుంది.

2006 సంవత్సరం నుండి తెలంగాణ జాగ్రుతికి అధ్యక్షురాలిగా ఉంటూ ప్రజలకు చేరువైన కవిత రాజకీయాల్లో ఇంకా చురుగ్గా పాల్గొనేందుకు రానున్న ఎన్నికల్లో నిజామాబాద్ పార్లమెంటు స్థానం పోటీ చేయడానికి సిద్దం అవుతున్నారని వార్తలు. తన తండ్రి కేసీఆర్ కూడా ఎప్పటి నుండో కూతుర్ని రాజకీయాల్లోకి తీసుకురావాలని చూస్తున్నాడు. దానికి అనుగుణంగా కవిత నుండి సుముఖత వ్యక్తం కావడంతో ఇక దాదాపు ఆ స్థానం నుండి కవిత పోటీకి సిద్దం అవుతున్నట్లు తెలుస్తుంది. మరి కవిత ప్రత్యక్ష రాజకీయాల్లో రాణిస్తారో లేదో చూడాలి.