Posted: 04/16/2012 06:32 PM IST

ప్రజారాజ్యం పార్టీని స్థాపించి తిరుపతి నియోజక వర్గం నుండి ఎమ్మెల్యేగా ఎన్నికైన చిరంజీవి తన పార్టీని కాంగ్రెస్ లో విలీనం చేసిన విషయం తెలిసిందే. అందుకు ప్రతిఫలంగా తన వర్గానికి రెండు మంత్రి పదవులు, తనకు రాజ్యసభ సీటు కూడా కాంగ్రెస్ ఇచ్చిన విషయం కూడా తెలిసిందే. అయితే చిరంజీవి రాజ్యసభకు ఎన్నిక కావడంతో ఆ స్థానంలో ఉప ఎన్నిక లాంఛనం అయింది. త్వరలో జరగబోయే ఉప ఎన్నిక అభ్యర్థి కొసం కొద్దిరోజుల నుండి గల్లా అరుణ కుమారి కొడుకు గల్లా జయదేవ్ ని దించాలని అరుణ కుమారి తీవ్రంగా ప్రయత్నించారు. గతంలో అధిష్టానం ఆదేశిస్తే తిరుపతి నుండి పోటీ చేయడానికి తాను సిద్ధం అని గల్లా జయదేవ్ కూడా ప్రకటించాడు.

తిరుపతి నుండి పోటీ చేసి పారిశ్రామిక వేత్తగా ఉన్న జయదేవ్ రాజకీయ అరంగ్రేటం చేయాలని భావించాడు. కానీ గల్లా ఆశలపై అధిష్టానం నీల్లు చల్లింది. తన పార్టీని విలీనం చేసిన చిరంజీవి మాటకే విలువ నిచ్చింది. చిరంజీవి చెప్పిన వ్యక్తి కే ఆ సీటును కాంగ్రెస్ ఖాయం చేసింది. తిరుపతి మాజీ ఎమ్మెల్యే అయిన వెంకట రమణకు సీటు ఖాయం చేసింది.