Posted: 04/02/2012 06:06 PM IST

తిరుమలేశునికి భక్తులు మొక్కుల రూపంలో సమర్పించే కానుకలు ఏటేటా పెరుగుతున్నాయి. గతంలో హుండీ ద్వారా కేవలం నోట్లు (కరెన్సీ) లెక్కింపులద్వారా రోజువారీగా రూ.1.5 కోట్లు లభిస్తుండగా ప్రస్తుతం ఈ మొత్తం రూ.2 నుంచి రూ.3 కోట్ల మేరకు పెరిగింది. శ్రీరామ నవమి రోజు తిరుమలేశుడుకి రికార్డు హుండీ ఆదాయం లభించింది. ఆదివారం ఒక్క రోజే భక్తుల కానుకల రూపంలో రూ.5.73 కోట్లు సమకూరాయి. ఈ ఏడాది ప్రారంభ రోజు జనవరి 1న వచ్చిన రూ.4.23 కోట్లే ఇప్పటి వరకు ఉన్న రికార్డు. శ్రీరామ నవమి సందర్భంగా ఒకరోజు హుండీ లెక్కింపుల్లో 5 కోట్ల 73 లక్షలా 2 వేల రూపాయలు లభించడం విశేషం. ఆదివారం ఆలయ హుండీలో ఓ అజ్ఞాత భక్తుడు రూ.1,000 నోట్ల కట్టలు వేయటంతో ఆదాయం అమాంతంగా పెరిగిందని పరకామణి తెలిపారు. మొత్తం 105 బండిల్స్ (ఒక్కో బండిల్‌లో మూడు కట్టలు) అంటే అజ్ఞాత భక్తుడు సుమారు రూ.3 కోట్లు పైచిలుకు కానుకలు సమర్పించినట్టు అనధికార సమాచారం.