Posted: 01/17/2012 10:39 AM IST

మెట్రిక్యులేషన్ సర్టిఫికేట్ లో ధృవీకరించువున్న జన్మించిన దినంగా పరిగణించాలని ఆర్మీ ఛీఫ్ జనరల్ వి.కె.సింగ్ నిన్న సుప్రీం కోర్టులో పిటిషన్ దాఖలు చేసారు. రక్షణ శాఖ నిర్ణయించినట్టుగా తన జన్మదినం మే 10, 1950 కాదని, మే 10, 1951 అని ఆయన వాదన. ఆయన తరఫున వాదించిన అడ్వకేట్ పునీత్ బాలి, ఆర్మీ ఛీఫ్ వి.కె.సింగ్ జన్మదినం మే 10, 1951 అని ఆయన సర్వీసులో చేరినప్పుడే పోలీసు దర్యాప్తులో ధృవీకరించబడిందని వాదించారు. వి.కె. ఈ సంవత్సరం మే లో రిటైర్ అవవలసినవారు. కానీ పోయిన సంవత్సరం నుంచే ఈ అంశం వయోభారంగా ఇటు అధికారులకు, అటు వి.కె.సింగ్ కి కూడా తయారయింది.

అక్టోబర్ 2010 లోనే ని.కె.సింగ్ జన్మదినం విషయంలో ఆర్టిఐ అప్లికేషన్ లో స్కూల్ సర్టిఫికేట్ లో రాసివున్న జన్మదినాన్ని పరిగణించవచ్చునా అని న్యాయశాఖ మంత్రిత్వ కార్యాలయానికి రాసింది. మే 2011 లో స్వయంగా వి.కె.సింగ్ కూడా తన జన్మదినాన్ని గురించి సుప్రీం కోర్టు మాజీ జస్టిస్ లను సంప్రదించారు. జూలై 2011 లో అటర్నీ జనరల్ 1950 ని జన్మదినంగా పరిగణించమని ప్రభుత్వానికి సూచించారు. దానిమీద ఆగస్ట 2011 లో ఆర్మీఛీఫ్ హోం మంత్రిత్వ శాఖకు ఫిర్యాదు చేసారు. ఈ విషయంలో ఎంపీలందరూ ప్రధానమంత్రిని కలిసినప్పుడు, దీన్ని పెద్ద రాద్ధాంతం చెయ్యకండని ప్రధాని మన్మోహన్ సింగ్ సూచించారు.

అయితే గత మూడు పదోన్నతులు ఆర్మీఛీఫ్ కి 1950 జన్మదినంగా పరిగణించి ఇచ్చినవేనని రక్షణ శాఖ మంత్రి ఎ.కె.ఆంటోనీ పార్లమెంట్ లో ప్రకటించారు. డిసెంబర్ 2011 లో హోం మంత్రిత్వశాఖ వి.కె.సింగ్ ఫిర్యాదుని కొట్టివేసి ఆయన అభ్యర్థనను తిరస్కరించింది. ఈ పరిణామాల వలన వి.కె.సింగ్ నిన్న సుప్రీం కోర్టు తలుపులు తట్టారు. తన పిటిషన్ లో, మెట్రిక్యులేషన్ లో ధృవీకరించిన జన్మదినాన్ని పరిగణనలోకి తీసుకోవాలని సుప్రీం కోర్టు 1951 లో ఇచ్చిన తీర్పుని ఉటంకించారు.

అసలింతకీ ఈ వివాదం ఎలా వచ్చిందో వి.కె. సింగ్ స్వయంగా వివరించారు. ఆయన తన 14 వ ఏట తన వివరాలను తెలియజేయమని కోరగా తన జన్మదినాన్ని పొరపాటుగా మే 10, 1950 అని రాసానని, కానీ తర్వాత తన పోరపాటుని సవరించుకోగా మెట్రిక్యులేషన్ సర్టిఫికేట్ లో కూడా ఆ సవరించిన తేదీనే రాయటం జరిగిందని ఆయన అన్నారు. మిలటరీ రికార్డ్స్ లోనే వేరు వేరు తేదీలు నమోదవటం వివాదానికి దారితీసింది.

=శ్రీజ