Posted: 12/03/2011 05:14 PM IST

కొందరు రోజంతా నిద్రపోతూ ఉంటారు. మరికొందరు కొద్ది గంటల నిద్రతోనే రోజంతా ఉత్సాహంగా ఉంటారు. ఇలా ప్రతివ్యక్తీ కంటినిండా కునుకుతీసే సమయం వేరుగా ఉంటుంది. దీని వెనుక ఉన్న రహస్యాన్ని శాస్త్రవేత్తలు ఛేదించారు. మనం ఎన్ని గంటలు నిద్రించాలో తేల్చే జన్యువును గుర్తించారు. ఏబీసీసీ9 అనే జన్యువు పనితీరుపైనే ప్రతి వ్యక్తి నిద్రా సమయం ఆధారపడి ఉంటుందని మ్యూనిక్ లోని లుడ్విగ్ మాక్సిమిలియన్స్ యూనివర్సిటీకి చెందిన పరిశోధకుల బృందం కనిపెట్టింది. బ్రిటన్ మాజీ ప్రధాని మార్గరెట్ థాచర్‌లాంటి వారు రోజుకు నాలుగు గంటలు మాత్రమే నిద్రించడానికి కారణాలు అన్వేషించడాని ఈ పరిశోధన ఉపయోగపడుతుందని శాస్త్రవేత్తలు తెలిపారు. ఏబీసీసీ9 జన్యువు అమరిక తీరును బట్టి ఎంతసేపు నిద్ర పోవాలన్నది తేలుతుందని వివరించారు. ఇదే జన్యువు ఉన్న ఈగలపై పరిశోధనలు జరిపిన శాస్త్రవేత్తలు ఈ విషయాన్ని నిర్ధారించారు.