Posted: 12/03/2011 04:45 PM IST

కాంగ్రెస్ లో వివాదాల మంత్రిగా మారిన శంకర్ రావు తాజాగా సీఎం కిరన్ కుమార్ రెడ్డి పై సంచలన వ్యాఖ్యలు చేశారు.         సీఎంగా కిరణ్ కుమార్ రెడ్డి ఉన్నంత వరకు తాను కేబినెట్ సమావేశాలకు వెళ్ళబోనని, ఆయన ముఖం కూడా చూడబోనని చేనేత శాఖ మంత్రి పి. శంకర్ రావు తేల్చి చెప్పారు. కాంగ్రెస్ పటిష్టత కోసం అధిష్టానం ఆదేశానుసారం నడుడుస్తున్న తనను మంత్రి వర్గం నుండి తొలగించే శక్తి ఇక్కడ ఎవరికీ లేదని ధీమా వ్యక్తం చేశారు.

ముఖ్యమంత్రి కిరణ్ కుమార్ రెడ్డిపై ఎప్పటికప్పుడు వ్యాఖ్యలు చేస్తూ దూకుడుగా వ్యవహరిస్తున్నారు. మంత్రివర్గ సమావేశాలకు కూడా ఆయన డుమ్మా కొడుతున్నారు. ఆయన ఆరోపణలకు కొంత మంది మంత్రులు గవర్నర్ నరసింహన్‌ దాకా వెళ్లి వివరణలు ఇచ్చుకోవాల్సి వచ్చింది.
తనకు ఇచ్చిన మంత్రిత్వ శాఖకు కష్టపడి నిధులు తీసుకువస్తుంటే ముఖ్యమంత్రి కిరణ్ కుమార్ రెడ్డి సరైన విధంగా స్పందించడం లేదని, తన శాఖ ఫైళ్ళను పెండింగ్ లో పెడుతున్నారని, చివరకు నా కార్యాలయానికి సంబంధించిన ఫర్నీచర్ ఫైలును కూడా పెండింగ్ లో పెట్టేశారని ఆయన అన్నారు.

సీఎం కిరణ్ కుమార్ రెడ్డిని బయటికి పంపించాకే తాను కేబినెట్ కు వెళతానని ఖరాఖండింగా చెప్పాడు. ఒక మంత్రి అయ్యి ఉండి ముఖ్యమంత్రి స్థాయి అంతటి వాడిని ఇలా అనడం ఎంత వరకు సమంజసం అని కొందరు రాజకీయ నాయకులు అంటున్నారు. ఏమైనా శంకర్ రావు మితిమీరి మాట్లాడుతున్నారని ప్రజలు అనుకుంటున్నారు.