ఎన్టీఆర్ బయోపిక్ లో యంగ్ హీరో?

Posted: 03/06/2018 12:59 PM IST

విశ్వవిఖ్యాత నటసార్వభౌమ నందమూరి తారక రామారావు జీవితచరిత్ర ఆధారంగా తెరకెక్కుతున్న చిత్రం ఎన్టీఆర్ విషయంలో ఎట్టకేలకు ఓ స్పష్టత వచ్చేసింది. మార్చి 29 నుంచి రెగ్యులర్ షూటింగ్ ప్రారంభం కాబోతున్నట్లు స్వయంగా హీరో బాలకృష్ణే ప్రకటించాడు.

రామకృష్ణ స్టూడియోలో ఫస్ట్ షెడ్యూల్ ప్రారంభం కానున్నట్లు సమాచారం. ఇదిలా ఉంటే ఈ చిత్రంలో మరో యంగ్ హీరోకు కూడా ఛాన్స్ దక్కినట్లు ఓ వార్త చక్కర్లు కొడుతోంది. యంగ్ ఎన్టీఆర్ రోల్ లో మిస్టర్ కూల్ శర్వానంద్ నటించనున్నట్లు ఆ కథనాల సారాంశం. పలువురు యువ హీరోల పేర్లను పరిశీలిస్తున్నామని, వారిలో శర్వానంద్ కూడా ఒకరని, కానీ ఇప్పటివరకు ఏ ఒక్కరినీ ఈ పాత్ర కోసం ఫైనలైజ్ చేయలేదని ఈ ప్రెస్టీజియస్ ప్రాజెక్టుతో సంబంధమున్న వారు చెబుతున్నారు.

ఈ విషయంలో స్పష్టత రావాలంటే అధికారిక ప్రకటన వచ్చేదాకా ఆగాల్సిందే. ఎన్‌బీకే స్టూడియోస్ పతాకంపై బాలయ్యే ఈ సినిమాను నిర్మించనుండటం విశేషం. ఇందులో ఎన్‌టీఆర్ జీవితంలోని మూడు దశలను చూపించనున్నట్లు బాలయ్య క్లారిటీ ఇచ్చేశాడు.