తమిళ పెళ్లి చూపుల్లో ప్రియదర్శి?

Posted: 10/21/2017 04:54 PM IST

చాలా మందిని ఇండస్ట్రీలో పాతుకు పోయేలా చేసిన పెళ్లి చూపులు క్రియేట్ చేసిన మ్యాజిక్ అంతా ఇంతా కాదు. ఓ చిన్న సినిమాగా వ‌చ్చి.. భారీ హిట్టయిన ఆ చిత్రంలో పాపులర్ అయిన వారిలో కమెడియన్ ప్రియ‌ద‌ర్శి కూడా ఒకడు. హీరో ఫ్రెండ్ కౌశిక్ పాత్రలో మనోడు చేసిన యాక్టింగ్ సినిమాకు పెద్ద హైలెట్ అవ్వటమే కాదు.. యూత్ లో బాగా పేరు తెచ్చిపెట్టింది.

ఆ రిఫరెన్సే వరుసగా ఇండస్ట్రీలో స్టార్ల సినిమాలో ఛాన్స్ లు ఇప్పించింది కూడా. స్పైడర్,జై లవకుశ లో ప్రియదర్శి నటించి మెప్పించాడు కూడా. ముఖ్యంగా మహేష్ స్పైడర్ లో హీరో పక్కనే ఉండే ఫుల్లీ లెంగ్త్ రోల్ అది. అయితే ఆయా పాత్రలు అంతగా పేలకపోయినా.. ఇప్పుడు మరో ఆఫర్ అతన్ని వరించబోతున్నట్లు సమాచారం. ఇదే పాత్రను ఈ సినిమా త‌మిళ రీమేక్ `పొన్ ఒండ్రు కాందేన్‌`లో కూడా ప్రియ‌ద‌ర్శి పోషించనున్న‌ట్లు సమాచారం.

విష్ణు విశాల్-తమన్నా కాంబినేషన్ లో పెళ్లి చూపులు అక్కడ తెరకెక్కబోతుంది. సెంథిల్ వీర‌స్వామి ద‌ర్శ‌క‌త్వం వ‌హించ‌నున్న ఈ చిత్ర షూటింగ్ న‌వంబ‌ర్ రెండో వారంలో ప్రారంభం కానున్న‌ట్లు స‌మాచారం. అన్నట్లు గౌత‌మ్ మీన‌న్ ఈ చిత్రానికి నిర్మాత‌గా వ్య‌వ‌హ‌రిస్తుంచటం విశేషం. మరి ప్రియదర్శి ఎంపిక వార్త అఫీషియల్ గా అనౌన్స్ కావాల్సి ఉంది.